(vovworld) - ລັດຖະບານ ມຽນມາ ແລະ ອົງການເອກະລາດ Kachin (KIO), ຝ່າຍການເມືອງຂອງກອງທັບປົດປ່ອຍ KIA, ໄດ້ເຊື່ອມຕໍ່ບັນດາການເຈລະຈາສັນຕິພາບຢູ່ເມືອງເອກ Myitkyina, ຂອງລັດ Kachin, ຂຶ້ນກັບພາກເໜືອຂອງ ມຽນມາ. ຕາມແຜນການແລ້ວ, ການເຈລະຈາຄັ້ງນີ້ຈະແກ່ຍາວ 3 ວັນ. ຄາດວ່າ, ໃນວັນເຈລະຈາທຳອິດ, 2 ຝ່າຍຈະປຶກສາຫາລື ກ່ຽວກັບເລື່ອງເປີດຫ້ອງການປະສານງານດ້ານການທະຫານ ແລະ ປຶກສາຫາລືບັນດາບັນຫາທີ່ກ່ຽວຂ້ອງເຖິງກຳລັງປະກອບອາວຸດ 2 ຝ່າຍ. ນີ້ເປັນຄັ້ງທຳອິດທີ່ລັດຖະບານ ມຽນມາ ແລະ ທະຫານແຕກທັບ Kachin ດຳເນີນການເຈລະຈາສັນຕິພາບຢູ່ພາຍໃນປະເທດ. ຮອບເຈລະຈາຄັ້ງຕ່າງໆກ່ອນນີ້ໄດ້ດຳເນີນຢູ່ ໄທ (20/2) ແລະ ຈີນ (4/2 ແລະ 12/3). ບັນດາການເຈລະຈາສັນຕິພາບໄດ້ຮັບການດຳເນີນພາຍຫຼັງລັດຖະບານ ມຽນມາ ຖະແຫຼງການຢຸດຍິງພຽງຝ່າຍດຽວເມື່ອເດືອນ 1 ປີນີ້ເພື່ອແນໃສ່ຊອກຫາມາດຕະການຢຸດຕິບັນດາການປະທະກັນຢູ່ Kachin ທີ່ເຮັດໃຫ້ເກືອບ 100.000 ຕ້ອງອົບພະຍົບນັບແຕ່ເດືອນ 6/2011. ແຕ່ເຖິງຢ່າງໃດກໍ່ຕາມ, ໂດຍບໍ່ຫົວຊາຕໍ່ຖະແຫຼງການຢຸດຍິງຂອງລັດຖະບານ, ການປະທະກັນຍັງຄົງເກີດຂຶ້ນຢູ່ເຂດນີ້, ພິເສດແມ່ນພາຍຫຼັງທະຫານລັດຖະບານຈັບຕົວຫົວໜ້າທະຫານແຕກທັບຢູ່ມໍ່ກັບຊາຍແດນຈີນ.