ລັດຖະບານແລະແນວໂຮມປະເທດຊາດສົມທົບກັນປະຕິບັດການຫຼຸດຜ່ອນຄວາມທຸກຍາກ,ກໍ່ສ້າງຊົນນະບົດໃໝ່
(ພິທີລົງນາມມະຕິ)
(vovworld) - ຕອນບ່າຍວັນທີ 03/10, ຢູ່ສຳນັກງານລັດຖະບານ, ໄດ້ດຳເນີນພິທີລົງນາມໃນມະຕິລະຫວ່າງຂະແໜງຂອງລັດຖະບານກັບຄະນະກຳມະການສູນກາງແນວໂຮມປະເທດຊາດຫວຽດນາມ ກ່ຽວກັບການສົມທົບກັນປະຕິບັດການຫຼຸດຜ່ອນຄວາມທຸກຍາກແບບຍືນຍົງ, ກໍ່ສ້າງຊົນນະບົດໃໝ່, ຕົວເມືອງສີວິໄລ. ທ່ານນາຍົກລັດຖະມົນຕີ ຫງວຽນຊວນຟຸກ ແລະ ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ພ້ອມກັບການນຳ 2 ຂະແໜງພ້ອມກັນເຂົ້າຮ່ວມພິທີລົງນາມ.
ຕາມເນື້ອໃນທີ່ໄດ້ຮັບການລົງນາມ, ຄະນະກຳມະການສູນກາງແນວໂຮມປະເທດຊາດຫວຽດນາມ ທຸກຂັ້ນ ແລະ ບັນດາອົງການສະມາຊິກຂອງແນວໂຮມປະເທດຊາດຫວຽດນາມ ຈະສົມທົບກັບບັນດາອົງການແຫ່ງລັດພ້ອມກັບຂົນຂວາຍ, ຕິດຕາມກວດກາການປະຕິບັດວຽກງານຫຼຸດຜ່ອນຄວາມທຸກຍາກແບບຍືນຍົງ, ກໍ່ສ້າງຊົນນະບົດໃໝ່, ຕົວເມືອງສີວິໄລ. ລັດຖະບານ, ບັນດາກະຊວງ, ຂະແໜງການສູນກາງ, ອຳນາດການປົກຄອງທ້ອງຖິ່ນ ຈະສົມທົບກັນ ແລະ ຮັບປະກັນບັນດາເງື່ອນໄຂເພື່ອໃຫ້ຄະນະກຳມະການແນວໂຮມປະເທດຊາດຫວຽດນາມ ຂັ້ນດຽວກັນ ແລະ ອົງການຈັດຕັ້ງສະມາຊິກຂອງແນວໂຮມປະຕິບັດການຫຼຸດຜ່ອນຄວາມທຸກຍາກແບບຍືນຍົງ, ກໍ່ສ້າງຊົນນະບົດໃໝ່, ຕົວເມືອງສີວິໄລ.
ການສົມທົບກັນຍັງແນໃສ່ປະກອບສ່ວນປະຕິບັດບັນດາໂຄງການຈຸດໝາຍແຫ່ງຊາດ, ບັນດາໂຄງການ, ນະໂຍບາຍຂອງລັດທີ່ກ່ຽວຂ້ອງໂດຍກົງເຖິງການຫຼຸດຜ່ອນຄວາມທຸກຍາກແບບຍືນຍົງ, ກໍ່ສ້າງຊົນນະບົດໃໝ່, ຕົວເມືອງສີວິໄລ.