(vovworld) – ຕອນເຊົ້າວັນທີ 06/07, ທ່ານລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ກາວດຶກຟາດ ໄດ້ລົງຕາແສງ ບິ່ງເຈົາ, ເມືອງ ບິ່ງເຊີນ ເພື່ອພົບປະ, ໂອ້ລົມກັບພໍ່ແມ່ຊາວປະມົງທີ່ເຂົ້າຮ່ວມການຫາປາໃນເຂດທະເລຮ່ວາງຊາຂອງຫວຽດນາມ. ທ່ານລັດຖະມົນຕີ ກາວດຶກຟາດ ໃຫ້ຮູ້ວ່າ, ໃນໄລຍະຈະມາເຖິງ, ລັດຖະບານຈະມີໂຄງການສະໜອງບ້ວງສິ້ນເຊື່ອດ້ວຍດອກເບ້ຍ 1%/ປີ ເພື່ອຊ່ວຍຊາວປະມົງຕໍ່ກຳປັ່ນຫຸ້ມເຫຼັກເພື່ອຫາປາຢູ່ໄກ່ຝັ່ງ. ສຳລັບກຳປັ່ນເຮັດດ້ວຍໃມ້, ຊາວປະມົງໄດ້ກູ້ຍື່ມທຶນ 70% ມູນຄ່າກຳປັ່ນ, ດ້ວຍດອກເບ້ຍ 3%/ປີ ໃນໄລຍະ 11 ປີ, ໃນນັ້ນປີທຳອິດບໍ່ເສຍດອກເບ້ຍ… ທ່ານລັດຖະມົນຕີ ກາວດຶກຟາດ ຊີ້ແຈ້ງວ່າ ໂຄງການບ້ວງສິ້ນເຊື່ອຄັ້ງນີ້ຈະໜູນຊ່ວຍຊາວປະມົງໂດຍກົງ ແລະ ຊາວປະມົງມີສິດເລືອກຮູບແບບ, ອຸປະກອນຕໍ່ກຳປັ່ນ.
“ພວກຂ້າພະເຈົ້າກຳນົດວ່ານີ້ແມ່ນການໜູນຊ່ວຍຊາວປະມົງຕໍ່ກຳປັ່ນຫຸ້ມເຫຼັກ ເພື່ອໃຫ້ພໍ່ແມ່ປະຊາຊົນທຳມາຫາກິນຢ່າງມີປະສິດທິຜົນກວ່າ, ປະສິດທິຜົນດ້ານເສດຖະກິດແມ່ນປັດໃຈຕັດສິນ, ມີປະສິດທິຜົນ ພໍ່ແມ່ປະຊາຊົນຈຶ່ງຕິດພັນກັບທະເລ ແລະ ເຂົ້າຮ່ວມການປົກປັກຮັກສາອະທິປະໄຕໄດ້ ສະນັ້ນປະສິດທິຜົນແມ່ນບຸລິມະສິດອັນດັບໜຶ່ງ. ແຜນນະໂຍບາຍຂອງລັດຖະບານແມ່ນໜູນຊ່ວຍພໍ່ແມ່ປະຊາຊົນໃນລະດັບສູງສຸດ. ກ່ຽວກັບເງິນຕາ, ສິ້ນເຊື່ອ ກໍ່ຄືງົບປະມານເພື່ອປະຕິບັດນະໂຍບາຍນີ້ແມ່ນໄດ້ມີຢູ່ແລ້ວ”.
ເນື່ອງໃນໂອກາດນີ້, ທ່ານລັດຖະມົນຕີ ກາວດຶກຟາດ ກໍ່ໄດ້ມອບ 100 ລ້ານດົງ ໃຫ້ພໍ່ແມ່ຊາວປະມົງ, ບັນດາໜ່ວຍສາມັກຄີ ແລະ ຄະນະຮ່ວມອາຊີບຫາປາຕາແສງ ບິ່ງເຈົາ, ເມືອງບິ່ງເຊີນ.