ຕາມນັ້ນແລ້ວ, ນອກຈາກບັນດາບັນຫາກ່ຽວກັບການປ່ອນບັດເລືອກຕັ້ງສະພາແຫ່ງຊາດ ຢູແກຼນ ທີ່ຫາກໍດໍາເນີນ ແລະ ສະພາບການຢູ່ ລີບີ, ສອງຝ່າຍໄດ້ເຫັນດີເປັນເອກະພາບ ສືບຕໍ່ມານະພະຍາຍາມຮັກສາຂໍ້ຕົກລົງນິວເຄຼຍ ເຊິ່ງ ອີຣານ ໄດ້ລົງນາມເມື່ອປີ 2015 ກັບກຸ່ມ P5+1 (ເຊິ່ງລວມມີ 5 ປະເທດ ກໍາມະການປະຈໍາການສະພາຄວາມໝັ້ນຄົງ ສປຊ ແລະ ເຢຍລະມັນ), ຫຼືຍັງເອີ້ນວ່າ ແຜນການດໍາເນີນງານຮ່ວມຮອບດ້ານ (JCPOA), ກໍຄືບັນດາມາດຕະການຫຼຸດຜ່ອນຄວາມເຄັ່ງຕຶງທີ່ປິ່ນອ້ອມບັນຫານິວເຄຼຍຂອງປະເທດ ອິດສະລາມນີ້.

ຖະແຫຼງການໃນວັນດຽວກັນຂອງທ່ານ Helga Schmid ເລຂາທິການໃຫຍ່ຄະນະກໍາມະການພົວພັນຕ່າງປະເທດ ຂອງ ອີຢູ ໃຫ້ຮູ້ວ່າ ຜູ້ຕາງໜ້າ ອັງກິດ, ຝລັ່ງ, ເຢຍລະມັນ, ລັດເຊຍ ແລະ ຈີນ ຈະພົບປະກັບຜູ້ຕາງໜ້າ ອີຣານ ໃນວັນທີ 28 ກໍລະກົດ ຢູ່ ວຽນນາ, ປະເທດ ໂອຕາລິດ ເພື່ອປຶກສາຫາລືກ່ຽວກັບມາດຕະການກອບກູ້ເອົາຂໍ້ຕົກລົງ JCPOA.