(vovworld) - ວັນທີ 01 ສິງກາ, ສຳນັກຂ່າວສານ Itar – tass ຂອງລັດເຊຍ ໃຫ້ຂ່າວວ່າ ອະດີດພາລະກອນອົງການສືບລາຊະການລັບສູນກາງອາເມລິກາ (CIA) Edward Snowden ໄດ້ອອກຈາກເຂດຜ່ານແດນຂອງສະໜາມບິນ Sheremetyevo ຢູ່ນະຄອນຫຼວງ ມົດສກູ, ແຫ່ງທີ່ Snowden ຫຼົບລີ້ແຕ່ວັນທີ 23 ມີຖຸນາ ເຖິງປະຈຸບັນ, ພາຍຫຼັງທີ່ເຈົ້າໜ້າທີ່ລັດເຊຍ ອະນຸຍາດໃຫ້ຫຼົບໄພຊົ່ວຄາວເປັນເວລາ 1 ປີ. ຕາມແຫຼ່ງຂ່າວດັ່ງກ່າວ, ອົງການອົບປະຍົບສະຫະພັນລັດເຊຍ ໄດ້ສະໜອງໃຫ້ Snowden ບັນດາໜັງສື່ທີ່ຈຳເປັນເພື່ອສາມາດຢູ່ອາໄສໃນເຂດດິນແດນຂອງລັດເຊຍ ແລະ Snowden ພວມມີໜ້າຢູ່ເຂດດິນແດນຂອງສະຫະພັນລັດເຊຍ. ທະນາຍຄວາມຂອງ Snowden ໄດ້ຢັ້ງຢືນ ຂ້ໍມູນດັ່ງກ່າວ, ແຕ່ບໍ່ເປີດເຜີຍສະຖານທີ່ Snowden ພວມຢູ່ອາໄສ.
ຫຼັງຈາກນັ້ນ, ທຳນຽບຂາວ ໄດ້ສະແດງຄວາມເສຍຫວັງຕໍ່ຂໍ້ຕົກລົງຂອງລັດເຊຍ, ພ້ອມທັງໃຫ້ຮູ້ວ່າ ປະທານາທິບໍດີອາເມລິກາ ອາດຈະບໍ່ເຂົ້າຮ່ວມກອງປະຊຸມສຸດຍອດບັນດາພື້ນຖານເສດຖະກິດພວມພັດທະນາ ແລະ ຫາກໍ່ພົ້ນເດັ່ນຂຶ້ນ (ຈີ 20), ເຊິ່ງຄາດວ່າ ຈະດຳເນີນຢູ່ມົດສກູ ໃນໄລຍະຈະມາເຖິງ. ໃນຂະນະນັ້ນ, ທ່ານປະທານກຳມາທິການການຕ່າງປະເທດສະພາສູງອາເມລິກາ, ສະມາຊິກສະພາສູງ Robert Menendez ໄດ້ກ່າວເຕື່ອນວ່າ ຂໍ້ຕົກລົງນີ້ຂອງລັດເຊຍ ເຮັດໃຫ້ການພົວພັນລະຫວ່າງວໍຊິງຕັນ - ມົດສກູ ຊົ່ວຮ້າຍລົງ.