(vovworld) - ລັດເຊຍ ຫາກໍ່ກ່າວເຕືອນຈະຕ້ອງບັງຄັບໃຫ້ມີບັນດາມາດຕະການໂຕ້ຕອບຢ່າງເໝາະສົມຕໍ່ເລື່ອງອາເມລິກາ ຜັນຂະຫຍາຍລະບົບປ້ອງກັນລູກສອນໄຟແຫ່ງຊາດ (NMD) ເພື່ອແນໃສ່ສະກັດກັ້ນການລະເມີດຄວາມດຸ່ນດ່ຽງກຳລັງ ແລະ ຫຼຸດຜ່ອນຄວາມເສຍຫາຍດ້ານປ້ອງກັນຄວາມສະຫງົບແຫ່ງຊາດ. ວັນທີ 28/03, ກ່າວຄຳເຫັນທີ່ກອງປະຊຸມສຳມະນາຫຼຸດຜ່ອນກຳລັງການທະຫານ, ທ່ານຮອງຫົວໜ້າກົມການຮົບ, ກອງບັນຊາການບັນດາກຳລັງປະກອບອາວຸດລັດເຊຍ Viktor Poznikhir ເນັ້ນໜັກວ່າ, ພາຍຫຼັງທີ່ອາເມລິກາ ຖອນອອກຈາກສັນຍາຕ້ານລູກສອນໄຟນຳວິຖີ (ABM) ເຊິ່ງໄດ້ລົງນາມເມື່ອປີ 1972, ຝ່າຍລັດເຊຍ ໄດ້ອະທິປາຍເປັນຫຼາຍຄັ້ງແລ້ວກ່ຽວກັບໄພອັນຕະລາຍຂອງການທຳລາຍຄວາມສະຖຽນລະພາບຍຸດທະສາດຍ້ອນອາເມລິກາ ຜັນຂະຫຍາຍ NMD ກໍ່ໃຫ້ເກີດ. ເລື່ອງຜັນຈະຫຍາຍລະບົບດັ່ງກ່າວເພື່ອແນໃສ່ເພີ່ມກຳລັງບົ່ມຊ້ອນທາງດ້ານລູກສອນໄຟໃນໂລກ ແລະ ເປັນການປຸກລຸກການຊ່ວງເສັງດ້ານອາວຸດໃໝ່, ກໍ່ຄືຫຼຸດລະດັບພື້ນຖານການນຳໃຊ້ອາວຸດນິວເຄຼຍ, ພ້ອມທັງສ້າງຄວາມເຟີ້ຝັນດວ່າ ການນຳໃຊ້ອາວຸດບຸກໂຈມຕີຍຸດທະສາດຈະບໍ່ຖືກລົງໂທດ…