(vovworld) - ວັນທີ 29/07, ລັດເສຍໄດ້ນຳໃຊ້ສິດຢັບຢັ້ງຂອງຕົນເພື່ອປະຕິເສດຮ່າງມະຕິສະບັບໜຶ່ງທີ່ການປ່ອນບັດຂອງສະພາຄວາມໝັ້ນຄົງສະຫະປະຊາຊາດ ກ່ຽວກັບການສ້າງຕັ້ງສານສາກົນພິພາກສາເຫດບິນ MH17 ຕົກ ຢູ່ເຂດ Donbass, ທາງທິດຕາເວັນອອກຢູແກຼນ, ເມື່ອເດືອນ 07/2014. ຮ່າງມະຕິນີ້ໄດ້ຮັບຄວາມເຫັນດີຈາກຜູ້ຕາງໜ້າຂອງ 11/15 ປະເທດສະມາຊິກສະພາຄວາມໝັ້ນຄົງສະຫະປະຊາຊາດ ແລະ ມີ 3 ປະເທດປ່ອນບັດຂາວ. ກ່າວຄຳເຫັນພາຍຫຼັງການປ່ອນບັດ, ທ່ານລັດຖະມົນຕີວ່າການກະຊວງຄົມມະນາຄົມຂົນສົ່ງມາເລເຊຍ Liow Tiong Lai ເວົ້າວ່າ, ທ່ານຮູ້ສຶກວ່າຮ່າງມະຕິບໍ່ໄດ້ຮັບການສະໜັບສະໜູນຂອງທັງສະພາ. ທ່ານກໍສະແດງຄວາມເສຍຫວັງເມື່ອສະພາບໍ່ຊອກຫາໄດ້ສຽງເວົ້າລວມ ໃນການຜັນຂະຫຍາຍບັນດາບາດກ້າວທີ່ຈຳເປັນເພື່ອນຳຕົວການຍິງເຮືອບິນ MH 17 ຕົກອອກສານຍຸຕິທຳ. ໃນຂະນະນັ້ນ, ຜູ້ຕາງໜ້າຂອງລັດເຊຍ ປະຈຳສະຫະປະຊາຊາດ Vitaly Churkin ສືບຕໍ່ຖືວ່າ, ຮ່າງມະຕິດັ່ງກ່າວແມ່ນບໍ່ເໝາະສົມ ແລະ ໄວເກີນໄປ ແລະ ເລື່ອງຢັບຢັ້ງຂອງລັດເຊຍ ບໍ່ແນໃສ່ຈຸດປະສົງກີດຂວາງການສືບສວນຮອບດ້ານ ຫຼື ວິວັດການປະຕິບັດຄວາມຍຸຕະທຳ.