(vovworld) – ວັນທີ 18/8, ຢູ່ສະໜາມບິນການທະຫານ Phu Cat, ແຂວງ Binh Dinh, ຫ້ອງການຄະນະຊີ້ນຳແຫ່ງຊາດ ແກ້ໄຂຜົນຮ້າຍຂອງທາດພິດເຄມີ ໂດຍ ອາເມລິກາ ນຳໃຊ້ໃນປາງສົງຄາມ ຢູ່ຫວຽດນາມ ແລະ ໂຄງການພັດທະນາສະຫະປະຊາຊາດປະຈຳຫວຽດນາມ ຈັດຕັ້ງພິທີຖົມປົກດິນທີ່ຕິດທາດພິດສີສົ້ມ ດີໂອຊີນ, ລຶບຊື່ສະໜາບບິນການທະຫານ Phu Cat ອອກຈາກບັນຊີລາຍຊື່ບັນດາເຂດຖືກຕິດທາດພິດສີສົ້ມຢູ່ຫວຽດນາມ ຢ່າງເປັນທາງການ. ດິນກ່ວາ 7.000 ມ3ທີ່ຖືກຕິດທາດພິດສີສົ້ມ/ ດີໂອຊີນ ຢູ່ສະໜາມບິນການທະຫານ Phu Cat ໄດ້ຮັບການຖົມປົກ ຢ່າງປອດໄພ. ທ່ານຮອງສາດສະດາຈານ, ດຣ Le Ke Son, ຜູ້ອຳນວຍການຫ້ອງການ 33, ຜູ້ອຳນວຍການຫ້ອງການຄະນະຊີ້ນຳແຫ່ງຊາດແກ້ໄຂຜົນຮ້າຍຢ້ອນຫຼັງຈາກທາດພິດເຄມີ ໂດຍ ອາເມລິກາ ນຳໃຊ້ໃນສົງຄາມຢູ່ຫວຽດນາມ ໃຫ້ຮູ້ວ່າ:
“ໂຄງການແກ້ໄຂທາດພິດ Phu Cat ບໍແມ່ນໂຄງການໃຫຍ່ເມື່ອທຽບກັບໂຄງການແກ້ໄຂທາດພິດຢູ່ ດ່າໜັງ ແລະ Bien Hoa ແຕ່ນີ້ແມ່ນໂຄງການສຳຄັນ ແລະ ມີຄວາມໝາຍພິເສດ. ອາດເວົ້າໄດ້ວ່າ: ພວກເຮົາຢຸດຕິບັນດາຜົນສະທ້ອນຈາກທາດພິດສີສົ້ມ/ ດີໂອຊີນທີ່ມີຕໍ່ສິ່ງແວດລ້ອມໃນພາກພື້ນໂດຍພື້ນຖານ. ນີ້ແມ່ນໂຄງການທຳອິດທີ່ມີການເຂົ້າຮ່ວມຂອງບັນດາອົງການສາກົນໃຫຍ່ ແລະ ດຶງດູດນັກວິທະຍາສາດທັງພາຍໃນ ແລະ ຕ່າງປະເທດຫຼາຍຄົນເຂົ້າຮ່ວມ. ພວກເຮົາຈະສົມທົບກັນຢ່າງແໜ້ນແຟ້ນ ກັບກະຊວງປ້ອງກັນປະເທດເພື່ອສືບຕໍ່ຕິດຕາມກວດກາການບຸລະນະເພື່ອຮັບປະກັນຄຸນນະພາບຂອງໂຄງການ.”