ລາຍການພົບປະແລກປ່ຽນສະແດງສິລະປະເນື່ອງໃນໂອກາດລະນຶກ 45 ປີປະຕິບັດຄຳພິໄນກຳຂອງປະທານໂຮ່ຈິມິນ
ລາຍການສະແດງສິລະປະເນື່ອງໃນໂອກາດສະເຫຼີມສະຫຼອງ 45 ປີແຫ່ງການປະຕິບັດຄຳພິໄນກຳຂອງປະທານໂຮ່ຈິມິນ
(ພາບ:.voh.com.vn/)
|
(vovworld)- ຕອນຄ່ຳ 29/8, ຄະນະໂຄສະນາສຶກສາຄະນະພັກນະຄອນໂຮ່ຈິມິນ ແລະ ສະຖານີໂທລະພາບ ນະຄອນໂຮ່ຈິມິນ ໄດ້ສົມທົບກັນຈັດລາຍການພົບປະແລກປ່ຽນ ສະແດງສິລະປະເນື່ອງໃນໂອກາດສະເຫຼີມສະຫຼອງ 45 ປີແຫ່ງການປະຕິບັດຄຳພິໄນກຳຂອງປະທານໂຮ່ຈິມິນ. ກ່າວຄຳເຫັນທີ່ລາຍການ, ທ່ານນາງ ເທີນທິທື ຫົວໜ້າ ຄະນະໂຄສະນາສຶກສາຄະນະພັກນະຄອນໂຮ່ຈິມິນ ເນັ້ນໜັກວ່າ ຄຳພິໄນກຳຂອງປະທານໂຮ່ຈິມິນ ແມ່ນເອກະສານປະຫວັດສາດອັນລ້ຳຄ່າ , ແມ່ນການເຕົ້າໂຮມສິ່ງຍອດຍິ່ງທາງດ້ານຄຸນສົມບັດ ແລະ ຈິດວິນຍານອັນສູງສົ່ງ ແມ່ນການລະດົມກຳລັງໃຈແກ່ທົ່ວພັກ, ທົ່ວປວງຊົນ, ທົ່ວກອງທັບ ຍາດເອົາບັນດາໄຊຊະນະໃນພາລະກິດປົດປ່ອຍພາກໃຕ້ ທ້ອນໂຮມປະເທດຊາດເປັນເອກະພາບ ເພື່ອປະຕິບັດຕາມຄວາມມຸ່ງຫວັງທີ່ຍິ່ງໃຫຍ່ຂອງປະທານໂຮ່ຈິມິນ.