(vovworld) –
ລາຍການລະດູບານໃໝ່ໃຫ້ນ້ອງຄັ້ງທີ 8 ຖືກຈັດຂຶ້ນໃນຕອນຄໍ່າວັນທີ 24/01, ຢູ່ຮ່າໂນ້ຍ, ໂດຍກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ, ກອງທຶນຊ່ວຍເຫຼືອເດັກຫວຽດນາມ ສົມທົບກັບໂທລະພາບແຫ່ງຊາດຫວຽດນາມ ຈັດຕັ້ງ, ເພື່ອແນໃສ່ນຳມາໃຫ້ເດັກທຸກຍາກ, ເດັກປະສົບຄວາມຄວາມຫຍຸ້ງຍາກ ບັນດາຂອງຂວັນທີ່ມີຄວາມໝາຍ, ແທດຈິງ, ບັນຍາກາດຕ້ອນຮັບບຸນປີໃໝ່ທີ່ອົບອຸ່ນ. ລາຍການກໍຮຽກຮ້ອງການສະນັບສະໜູນນັບທັງທາງດ້ານວັດຖຸ ແລະ ຈິດໃຈຂອງບັນດາອົງການຈັດຕັ້ງ, ວິສາຫະກິດ, ສ່ວນບຸກຄົນ ທັງຢູ່ພາຍໃນ ແລະ ຕ່າງປະເທດ ຊ່ວຍເຫຼືອເດັກທຸກຍາກ, ເດັກປະສົບຄວາມຄວາມຫຍຸ້ງຍາກໃນທົ່ວປະເທດ ໃຫ້ມີເງື່ອນໄຂດຳລົງຊີວິດ ແລະ ພັດທະນາໃຫ້ດີກວ່າ.
ທີ່ພິທີ, ກະຊວງແຮງງານທະຫານເສຍອົງຄະ ແລະ ສັງຄົມ ໄດ້ມອບໃບຢັ້ງຢືນຂອງນາຍົກລັດຖະມົນຕີໃຫ້ກອງທຶນຊ່ວຍເຫຼືອເດັກຫວຽດນາມ, ຍ້ອນມີບັນດາຜົນງານໃນການເບິ່ງແຍງ ແລະ ຊ່ວຍເຫຼືອເດັກໃນປີ 2014 ແລະ ໃບຍ້ອງຍໍຂອງກະຊວງແຮງງານ, ທະຫານເສຍອົງຄະ ແລະ ສັງຄົມ ໃຫ້ບັນດາອົງການຈັດຕັ້ງ, ສ່ວນບຸກຄົນ ແລະ ຜູ້ທີ່ມີໃຈບູນໃຈກຸສົນ ທີ່ໄດ້ຮ່ວມເດີນທາງພ້ອມກັບກອງທຶນຊ່ວຍເຫຼືອເດັກຫວຽດນາມ ໃນໄລຍະຜ່ານມາ.