(ລາວໄຂກອງປະຊຸມໂຕະມົນຂັ້ນສູງຄັ້ງທີ 12)
(vovworld) - ຕອນເຊົ້າວັນທີ 27/11, ຢູ່ນະຄອນຫຼວງວຽງຈັນ, ປະເທດລາວ ໄດ້ໄຂກອງປະຊຸມໂຕະມົນຂັ້ນສູງຄັ້ງທີ 12 ດ້ວຍຫົວຂໍ້ວ່າ “ເພີ່ມທະວີການຮ່ວມມືຈັດຕັ້ງປະຕິບັດແຜນການພັດທະນາເສດຖະກິດສັງຄົມແຫ່ງຊາດຄັ້ງທີ 8 ຢ່າງມີປະສິດທິຜົນ - ນຳປະເທດຫຼຸດພົ້ນອອກຈາກສະພາບດ້ອຍພັດທະນາໃນປີ 2020”. ເຂົ້າຮ່ວມກອງປະຊຸມມີທ່ານນາຍົກລັດຖະມົນຕີລາວ ທອງສິງ ທຳມະວົງ, ຜູ້ຕາງໜ້າອົງການສະຫະປະຊາຊາດເພື່ອການພັດທະນາ ພາກພື້ນອາຊີ - ປາຊີຟິກ, ຜູ້ຕາງໜ້າບັນດາອົງການຈັດຕັ້ງສາກົນ, ບັນດາອົງການການທູຕານຸທຸດປະຈຳລາວ, ພ້ອມກັບຜູ້ແທນລາວ ກວ່າ 300 ທ່ານ. ຄະນະຜູ້ແທນຫວຽດນາມ ໂດຍທ່ານເອກອັກຄະລັດຖະກິດຫວຽດນາມ ປະຈຳລາວ ຫງວຽນແມ້ງຮຸ່ງ ເປັນຫົວໜ້າຄະນະເຂົ້າຮ່ວມ.
ກ່າວຄຳເຫັນໄຂກອງປະຊຸມ, ທ່ານນາຍົກລັດຖະມົນຕີລາວ ທອງສິງ ທຳມະວົງ ໃຫ້ຮູ້ວ່າ. ລາວໄດ້ມານະພະຍາຍາມໃນວຽກງານລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກໃຫ້ປະຊາຊົນ, ສ້າງປະຖົມປັດໃຈນຳປະເທດພັດທະນາຕາມທິດຍືນຍົງ. ທ່ານນາຍົກລັດຖະມົນຕີ ທອງສິງ ທຳມະວົງ ກໍຂອບໃຈບັນດາປະເທດເພື່ອນມິດ ແລະ ບັນດາອົງການສາກົນ ແລະ ຄູ່ຮ່ວມມືພັດທະນາ ໄດ້ສະຫງວນໃຫ້ລາວ ການສະໜັບສະໜູນຊ່ວຍເຫຼືອດ້ານທຶນຮອນ, ວິຊາສະເພາະໃນການຈັດຕັ້ງປະຕິບັດແຜນການພັດທະນາເສດຖະກິດສັງຄົມແຫ່ງຊາດໃນໄລຍະຜ່ານມາ.
ພາຍຫຼັງພີທີໄຂ, ຖະແຫຼງການວຽງຈັນ ກ່ຽວກັບຄູ່ຮ່ວມມືເພື່ອການຮ່ວມມືພັດທະນາຢ່າງມີປະສິດທິຜົນໄດ້ຮັບການລົງນາມ.