(vovworld) – ຕອນເຊົ້າວັນທີ 22/02 (ກົງກັບວັນທີ 15 ເດືອນຈຽງ), ວັນກາບກອນ ຄັ້ງທີ 14 ຖືກໄຂຂຶ້ນຢູ່ ວັນມ໋ຽວ - ກ໋ວກຕືຢ໋າມ (ມະຫາວິທະຍາໄລແຫ່ງທຳອິດຂອງຫວຽດນາມ) ຢູ່ຮ່າໂນ້ຍ. ນີ້ແມ່ນການເຄື່ອນໄຫວປະຈຳປີໂດຍ ສະມາຄົມນັກປະພັນຫວຽດນາມ ຈັດຕັ້ງ, ດ້ວຍການເຂົ້າຮ່ວມຂອງບັນດານັກກະວີ, ນັກປະພັນວັນນະຄະດີຂອງ 26 ສະໂມຊອນກາບກອນ ແລະ ບັນດາຜູ້ນິຍົມກາບກອນໃນທົ່ວປະເທດ. ເນື່ອງໃນໂອກາດນີ້, ກໍຍັງຈັດງານວາງສະແດງ 70 ປິແຫ່ງກາບກອນຕ້ານພວກລ່າເມືອງຂຶ້ນຝລັ່ງ ໂດຍຫໍພິພິດຕະພັນວັດນະຄະດີຫວຽດນາມຈັດຕັ້ງ, ຊຶ່ງຈະແນະນຳບັນດານັກກະວີທີ່ມີຊື່ສຽງ.
ໃນຂະນະນັ້ນ, ວັນກາບກອນຫວຽດນາມ ຢູ່ນະຄອນໂຮ່ຈິມິນ ບໍ່ພຽງແຕ່ໄດ້ດຳເນີນການເຄື່ອນໄຫວຕ່າງໆທີ່ມີຄວາມໝາຍໃຫ້ຜູ້ນິຍົມກາບກອນເທົ່ານັ້ນ ຫາກຍັງສ້າງກາລະໂອກາດເພື່ອໃຫ້ນັກກະວີໜຸ່ມສະແດງຄວາມເກັ່ງກ້າສາມາດຂອງຕົນ ແລະ ສ້າງຄວາມໃກ້ຊິດກັບຜູ້ຟັງ. ນັກກະວີ ມິງດານ, ຮັບຜິດຊອບສະໂມຊອນກະວີໜຸ່ມໃຫ້ຮູ້ວ່າ.
“ຈຸດພົ້ນເດັ່ນແມ່ນການສະແດງລະຄອນກາບກອບ. ສຳລັບການສະແດງລະຄອນກາບກອບ, ພວກຂ້າພະເຈົ້າໄດ້ມຸ່ງໄປເຖິງທະເລ, ໝູ່່ເກາະຂອງປະເທດຊາດ. ສ່ວນຫຼາຍການເຊີນກັນເຂົ້າຮ່ວມອ່ານກາບກອນ, ປີນີ້ພວກຂ້າພະເຈົ້າໄດ້ຈັດຕັ້ງການເຄື່ອນໄຫວໂດຍບັນດາໄວໜຸ່ມເຊີນຄົນລຸ້ນກ່ອນເຂົ້າຮ່ວມເພື່ອແບ່ງປັນບົດຮຽນກ່ຽວກັບກະວີ, ກໍຄືແບ່ງປັນຄວາມຫວັງ, ຄວາມໄຝ່ຝັນຂອງຕົນ ເພື່ອເຮັດແນວໃດນຳການເຄື່ອນໄຫວວັນນະຄະດີຢູ່ນະຄອນໃຫ້ນັບມື້ນັບພັດທະນາ”.