(ພາບປະກອບ)
(vovworld) - ຕອນບ່າຍວັນທີ 27/05, ທ່ານ ເຈີ່ນຫວີງຕ໋ວຽນ ຮອງປະທານຄະນະກຳທະການປະຊາຊົນນະຄອນ ໂຮ່ຈີມິນ ໄດ້ໃຫ້ການຕ້ອນຮັບຄະນະວິສາຫະກິດເຂດ Richmond (ການາດາ) ໂດຍທ່ານ Chak Au ກຳມະການສະພານະຄອນ Richmond ນຳໜ້າ. ທີ່ການຕ້ອນຮັບ, ທ່ານ Chak Au ຖືວ່າ: ນະຄອນ ໂຮ່ຈີມິນ ແມ່ນນະຄອນຂະຫຍັນຂັນເຄື່ອນ, ມີສະພາບແວດລ້ອມແຫ່ງການລົງທຶນສະດວກ ແລະ ມີກຳນົດທິດພັດທະນາເໝາະສົມກ່ຽວກັບຫລາຍຂົງເຂດ ເຊິ່ງບັນດາວິສາຫະກິດເຂດ Richmond ເອົາໃຈໃສ່. ບັນດາວິສາຫະກິດເຂດ Richmond ປາດຖະນາຢາກມີກາລະໂອກາດຊອກຮູ້ສະພາບແວດລ້ອມແຫ່ງການລົງທຶນ, ຊອກຫາຄູ່ຮ່ວມມືດ້ານການຄ້າ, ກະສິກຳເຕັກໂນໂລຢີສູງ, ການສຶກສາ ແລະ ບຳລຸງສ້າງ…ຢູ່ນະຄອນ ໂຮ່ຈີມິນ. ເມື່ອຕີລາຄາສູງຄວາມເອົາໃຈໃສ່ຂອງຄະນະວິສາຫະກິດເຂດ Richmond, ທ່ານ ເຈີ່ນຫວີງຕ໋ວຽນ ຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ໃຫ້ຮູ້ວ່າ: ນະຄອນຍາມໃດກໍ່ສ້າງເງື່ອນໄຂສະດວກທີ່ສຸດ ໃຫ້ບັນດາວິສາຫະກິດຕ່າງປະເທດທີ່ຢາກລົງທຶນ; ພ້ອມທັງ ປາດຖະໜາວ່າ: ຈະມີການລົງນາມຮ່ວມມືຢ່າງລະອຽດລະຫວ່າງວິສາຫະກິດ 2 ຝ່າຍໂດຍໄວ . ຕາມທ່ານເຈີ່ນຫວີງຕ໋ວຽນ ແລ້ວ, ບັນດາຂົງເຂດ ເຊິ່ງວິສາຫະກິດເຂດ Richmond ມີທ່າແຮງ ແມ່ນບັນດາຂົງເຂດ ທີ່ນະຄອນ ໂຮ່ຈີມິນ ເອົາໃຈໃສ່ພັດທະນາ, ມຸ່ງໄປເຖິງການກໍ່ສ້າງນະຄອນ ໂຮ່ຈີມິນ ຕາມທິດກາຍເປັນນະຄອນຂຽວ, ທັນສະໄໝ, ມີຄຸນນະພາບໃນການດຳລົງຊີວິດດີທີ່ສຸດ.