ພາບປະກອບ
|
(vovworld) – ວັນທີ 7/4, ຫໍພິພິດຕະພັນແມ່ຍິງ ພາກໃຕ້ ນະຄອນໂຮ່ຈີມິນ ໄດ້ໄຂງານວາງສະແດງ 2 ຫົວເລື່ອງ “ແມ່ຍິງ ຫວຽດນາມ ປະດິດສ້າງໃນວິທະຍາສາດ, ຂະຫຍັນຂັນເຄື່ອນໃນການອອກແຮງງານ”, ແນະນຳວັດຖຸພັນ ແລະ ເອກະສານ 150 ຢ່າງຈາກບັນດາທ້ອງຖິ່ນກ່ຽວກັບການອຸທິດສ່ວນຂອງແມ່ຍິງ ຫວຽດນາມ ປະດິດສ້າງໃນວິທະຍາສາດ ແລະ ຂະຫຍັນຂັນເຄື່ອນໃນການອອກແຮງງານ ແລະ ພົບປະແລກປ່ຽນກັບບັນດາບຸກຄົນ, ໝູ່ຄະນະແມ່ຍິງທີ່ໄດ້ປະກອບສ່ວນໃນການກໍ່ສ້າງ ແລະ ພັດທະນາປະເທດຊາດ. ຄຽງຄູ່ກັນນັ້ນ, ຫໍພິພິດຕະພັນແມ່ຍິງ ພາກໃຕ້ໄດ້ແນະນຳບັນດາເອກະສານຂອງບຸກຄົນ, ຊັບສິນ, ວັດຖຸພັນຂອງພະນັກງານຍິງເຂົ້າຮ່ວມສົງຄາມຂອງ ໄຊ່ງ່ອນ - ເຈີ້ເລີ໋ນ - ຢາດິ້ງ. ນີ້ແມ່ນພະຍານຫຼັກຖານກ່ຽວກັບໄລຍະທີ່ອົງອາດກະຫານຂອງຊາດ, ຕິດພັນກັບຊື່ສຽງຮຽງນາມຂອງປະຊາຊົນນັບໝື່ນຄົນ ທີ່ໄດ້ເສຍສະຫຼະເລືອດເນື້ອເພື່ອພາລະກິດປົດປ່ອຍຊາດ, ໂຮມປະເທດຊາດເປັນເອກະພາບ.