(vovworld) - ວຽກງານບຳລຸງສ້າງພະນັກງານຕິດພັນກັບວຽກງານກໍ່ສ້າງພັກ. ນີ້ແມ່ນຄຳຢືນຢັນ ທ່ານເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກ, ທີ່ພິທີໄຂສົກຮຽນໃໝ່ 2014 – 2015 ຂອງສະຖາບັນການເມືອງແຫ່ງຊາດ ໂຮ່ຈີມິນ, ຈັດຕັ້ງໃນຕອນເຊົ້າວັນທີ 12/9 ຢູ່ຮ່າໂນ້ຍ.
ກ່າວຄຳເຫັນທີ່ພິທີໄຂສົກຮຽນໃໝ່, ທ່ານ ເລຮົ່ງແອງ, ຖືວ່າ: ຫວນຄືນໄລຍະ 30 ປີແຫ່ງການປ່ຽນໃໝ່, ພາລະກິດການປະຕິວັດ ຫວຽດນາມ ບັນລຸໄດ້ບັນດາຜົນງານອັນໃຫຍ່ຫຼວງ ແລະ ມີຄວາມໝາຍປະຫວັດສາດ. ເຖິງຢ່າງໃດກໍ່ຕາມ, ສະພາບການພາຍໃນປະເທດ ແລະ ໂລກ ໄດ້ພາໃຫ້ປະເທດຊາດປະສົບກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ. ແລະໃນສະພາບການນັ້ນ, ຫວຽດນາມ ຈະມີຄວາມສະຖຽລະພາບ ແລະ ພັດທະນາກ້າວຂຶ້ນໄດ້ ຫຼືບໍ່? ແມ່ນຕ້ອງຂຶ້ນກັບຂອບຂະໜາດ ແລະ ຄຸນນະພາບຂອງແຫຼ່ງຊັບພະຍາກອນມະນຸດ, ໃນນັ້ນ, ຖັນແຖວພະນັກງານ, ການນຳ, ນັກຄຸ້ມຄອງຫຼັກແຫຼ່ງຂອງທຸກຂະແໜງການ, ຂັ້ນຕ່າງໆແມ່ນສຳຄັນທີ່ສຸດ. ທ່ານ ເລຮົ່ງແອງ, ຢັ້ງຢືນວ່າ:
“ຖັນແຖວພະນັກງານຕ້ອງໄດ້ຮັບການຝຶກອົບຮົມ, ຝຶກຝົນຫຼໍ່ຫຼອມກາຍເປັນຜູ້ມີຄວາມເກັ່ງກ້າສາມາດຂອງປະເທດຊາດ, ມີແບບແຜນຂອງພະນັກງານປະຕິວັດ, ມີຄວາມສາມາດ ແລະ ຈິນຕະນາການ ແລະ ກຳລັງຄວາມສາມາດເຄື່ອນໄຫວຕົວຈິງ, ມີກຳລັງຄວາມສາມາດຢ່າງພຽງພໍເພື່ອຮັບຜິດຊອບໜ້າທີ່ອັນໜັກໜ່ວງ, ສັບສົນໃນໄລຍະຍູ້ແຮງການຫັນປະເທດຊາດເປັນອຸດສາຫະກຳ, ທັນສະໄໝ ແລະ ເຊື່ອມໂຍງເຂົ້າກັບສາກົນ.”