ວຽກງານສ້າງເອກະສານນິຕິກຳໄດ້ຮັບການຍູ້ແຮງ
ທີ່ການປະຊຸມຂອງກະຊວງຍຸຕິທຳ
(ພາບ:V.Cường)
(vovworld)- ວຽກງານສ້າງເອກະສານນິຕິກຳໄດ້ຮັບການຍູ້ແຮງ, ນັ້ນແມ່ນຂ່າວຄາວທີ່ການປະຊຸມຂອງກະຊວງຍຸຕິທຳ ໄດ້ດຳເນີນໃນຕອນເຊົ້າວັນທີ 16/7 ຢູ່ ຮ່າໂນ້ຍ. ຕາມນັ້ນແລ້ວ, ໃນ 6 ເດືອນຕົ້ນປີ 2015, ບັນດາກະຊວງ, ອົງການໄດ້ສຸມໃສ່ຮຽບຮຽງຖືກຕາມຄວາມຄືບໜ້າ, ຍື່ນສະເໜີຕໍ່ສະພາແຫ່ງຊາດຮັບຮອງເອົາຮ່າງກົດໝາຍ 11 ສະບັບ ແລະ ໃຫ້ຄຳເຫັນຕໍ່ຮ່າງກົດໝາຍອື່ນໆ 15 ສະບັບ. ລັດຖະບານ, ບັນດາກະຊວງ ແລະ ອົງການທີ່ທຽບເທົ່າກະຊວງກໍໄດ້ປະກາດໃຊ້ 40 ໃນຈຳນວນເອກະສານນິຕິກຳ 95 ສະບັບທີ່ກຳນົດຢ່າງລະອຽດ, ແນະນຳປະຕິບັດກົດໝາຍ, ລັດຖະບັນຍັດທີ່ໄດ້ມີຜົນສັກສິດດ້ານກົດໝາຍ.
ການນຳກະຊວງຍຸຕິທຳກໍຢືນຢັນວ່າ: ເລື່ອງຈັດຕັ້ງຮັບເອົາຄຳເຫັນປະກອບປະຊາຊົນສຳລັບບັນດາຮ່າງກົດໝາຍສຳຄັນບັນລຸໄດ້ໝາກຜົນສຳຄັນຫຼາຍຢ່າງ. ບົນພື້ນຖານນັ້ນ, ກະຊວງຍຸຕິທຳ ຈະສົມທົບກັບບັນດາກະຊວງ, ຂະແໜງການ, ທ້ອງຖິ່ນກຳນົດຈະແຈ້ງເປົ້າໝາຍ, ເນື້ອໃນ, ຮູບແບບຮັບເອົາຄຳເຫັນສຳລັບຮ່າງປະມວນກົດໝາຍອາຍາ (ສະບັບປັບປຸງ) ເພື່ອຮັບເອົາຄຳເຫັນຢ່າງສຸດຈິດສຸດໃຈ ແລະ ມີຄຸນນະພາບທີ່ສຸດ.