ສັນຕິພາບມີຄວາມໝາຍແລະບົດບາດພິເສດໃນການຊຸກຍູ້ແລະປົກປ້ອງສິດທິມະນຸດ
ບົດບາດຂອງສັນຕິພາບໃນການ
ຊຸກຍູ້ ແລະ ປົກປ້ອງສິດທິມະນຸດ
(ພາບ: dangcongsan.vn)
(vovworld) - ເພື່ອສະໜອງວັນສາກົນສັນຕິພາບ (21/09) ເຊິ່ງສະຫະປະຊາຊາດໄດ້ຈັດຕັ້ງ ປະຈຳປີ, ວັນທີ 29/09 ຢູ່ ຮ່າໂນ້ຍ, ຄະນະກຳມະການສັນຕິພາບ ຫວຽດນາມ ສົມທົບກັບສະຖາບັນຄົ້ນຄວ້າສິດທິມະນຸດ (ສະຖາບັນການເມືອງແຫ່ງຊາດໂຮ່ຈີມິນ)ຈັດຕັ້ງກອງປະຊຸມສຳມະນາດ້ວຍຫົວຂໍ້ວ່າ “ບົດບາດຂອງສັນຕິພາບໃນການຊຸກຍູ້ ແລະ ປົກປ້ອງສິດທິມະນຸດ”. ກ່າວຄຳເຫັນທີ່ກອງປະຊຸມສຳມະນາ, ທ່ານ ອວງຈູລືວ ປະທານຄະນະກຳມະການສັນຕິພາບ ຫວຽດນາມ ເນັ້ນໜັກວ່າ: ບົດບາດຂອງສັນຕິພາບໃນການປົກປ້ອງສິດທິມະນຸດ ແມ່ນບັນຫາສຳຄັນທີ່ສຸດ ເຊິ່ງໄດ້ລະບຸໄວ້ໃນລັດຖະທຳມະນູນປີ 2013 ຂອງ ຫວຽດນາມ. ຢູ່ ຫວຽດນາມ ບັນດາສິດທິມະນຸດ, ສິດພົນລະເມືອງກ່ຽວກັບການເມືອງ, ພົນລະເຮືອນ, ເສດຖະກິດ, ວັດທະນະທຳ, ສັງຄົມໄດ້ຮັບການຮັບຮອງເອົາ, ເຄົາລົບ, ປົກປ້ອງ, ຮັບປະກັນຕາມລັດຖະທຳມະນູນ ແລະ ກົດໝາຍ. ທ່ານ ອວງຈູລືວ ກໍ່ສະເໜີບັນດາຜູ້ແທນເຂົ້າຮ່ວມກອງປະຊຸມສຳມະນາຄວນສຸມໃສ່ປຶກສາຫາລືບັນດາເນື້ອໃນຕົ້ນຕໍຄື: ແນະນຳ ແລະ ໄຈ້ແຍກນິຍາມກ່ຽວກັບສິດສັນຕິພາບ, ຄວາມໝາຍ, ບົດບາດ, ຄຸນຄ່າຂອງສັນຕິພາບໃນການຮັບປະກັນສິດທິມະນຸດ ແລະ ບັນດາໄພນາບຂູ່ຕໍ່ສິດສັນຕິພາບຂອງມະນຸດ; ແບ່ງປັນຂໍ້ມູນຂ່າວກ່ຽວກັບນະໂຍບາຍເຊື່ອມໂຍງເຂົ້າກັບສາກົນ ເພື່ອສັນຕິພາບ ແລະ ພັດທະນາແບບຍືນຍົງຂອງ ຫວຽດນາມ; ບົດຮຽນ ແລະ ຜົນງານຂອງ ຫວຽດນາມ ໃນການຮັບປະກັນສິດທິມະນຸດ ໂດຍຜ່ານການຮັກສາຄວາມສະຫງົບປອດໄພ, ສັນຕິພາບ ສະຖຽນລະພາບ; ບັນດາບັນຫາສາສະໜາ, ເຊື້ອຊາດຜິວພັນ…ທີ່ມີຕໍ່ບັນຫາສັນຕິພາບ ແລະ ສິດທິມະນຸດ.