ສິ້ນສຸດຂໍ້ລິເລີ່ມລວມຫວຽດນາມ-ຍີ່ປຸ່ນໄລຍະທີ5
ການປະຊຸມຂໍ້ລິເລີ່ມລວມ ຫວຽດນາມ-ຍີ່ປຸ່ນ ໃນເດືອນ 7/2013
(ພາບ: japan-circle.vn)
(vovworld) - ວັນທີ 9/12, ຢູ່ຮ່າໂນ້ຍ, ກະຊວງແຜນການ ແລະ ການລົງທຶນໄດ້ສົມທົບກັບສະຖານທູດຍີ່ປຸ່ນ ປະຈຳຫວຽດນາມ, ຄະນະກຳມະການເສດຖະກິດ ຫວຽດນາມ - ຍີ່ປຸ່ນ ຈັດຕັ້ງການປະຊຸມຂັ້ນສູງຕີລາຄາທ້າຍໄລຍະທີ 5 ຂອງ ຂໍ້ລິເລີ່ມລວມ ຫວຽດນາມ-ຍີ່ປຸ່ນ. ຕາມໝາກຜົນຕີລາຄາຂອງຄະນະກຳມະການ ຕີລາຄາ ແລະ ສົ່ງເສີມຂໍ້ລິເລີ່ມລວມ ຫວຽດນາມ-ຍີ່ປຸ່ນ ແລ້ວ, ພາຍຫຼັງ 16 ເດືອນທີ່ຜັນຂະຫຍາຍແຜນການເຄື່ອນໄຫວໄລຍະທີ 5, ມີ 77% ກິດຈະກຳຍ່ອຍໄດ້ຮັບການປະຕິບັດສຳເລັດ, ສ່ວນຍັງເຫຼືອພວມຮັບການຜັນຂະຫຍາຍ. ບັນດາກິດຈະກຳຍ່ອຍໄດ້ຮັບປະສົບສຳເລັດ ລວມມີ: ບັນດາບັນຫາທີ່ກ່ຽວຂ້ອງເຖິງການຂົນສົ່ງ-ພາສີ, ຄວາມປອດໄພສະບຽງອາຫານ, ສ່ວຍສາອາກອນ, ທະນາຄານ, ຊັບສິນທາງປັນຍາ, ການກໍ່ສ້າງໂຄງລ່າງ. ທ່ານ Hiroshi Fukada, ເອກອັກຄະລັດຖະທູດຍີ່ປຸ່ນ ປະຈຳຫວຽດນາມ ໃຫ້ຮູ້ວ່າ:
ຂໍ້ລິເລີ່ມລວມ ແມ່ນກົນໄກການຮ່ວມມືທີ່ສຳຄັນໃນການພົວພັນ ຫວຽດນາມ-ຍີ່ປຸ່ນ. ຜ່ານແຜນການເຄື່ອນໄຫວໃນແຕ່ລະໄລຍະ, ພວກຂ້າພະເຈົ້າຫວັງວ່າສາມາດປະກອບສ່ວນເຂົ້າໃນການປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດຢູ່ ຫວຽດນາມ, ຜ່ານນັ້ນ, ຊ່ວຍຫວຽດນາມ ດຶງດູດໄດ້ແຫຼ່ງເງິນທຶນຈາກຕ່າງປະເທດຫຼາຍກ່ວາອີກ ກໍ່ຄືປະກອບສ່ວນພັດທະນາເສດຖະກິດປະເທດ ແລະ ຫວັງວ່າໄລຍະທີ 6 ຂອງຂໍ້ລິເລີ່ມລວມ ຫວຽດນາມ-ຍີ່ປຸ່ນ ຈະປະກອບສ່ວນຢ່າງຕັ້ງໜ້າກ່ວາໃຫ້ແກ່ເສດຖະກິດ ຫວຽດນາມ ຕາມກົນໄກເປີດອົກເປີດໃຈສະດວກສະບາຍ, ເປັນເຈົ້າກ່ວາ, ເພື່ອໃຫ້ ຫວຽດນາມ ສາມາດເຂົ້າຮ່ວມປະຊາຄົມເສດຖະກິດ ອາຊຽນ ແລະ ບັນດາສັນຍາເສດຖະກິດການຄ້າທີ່ສຳຄັນ.