(ພາບປະກອບ)
(vovworld) – ວັນທີ 01/11, ສປປ.ເກົາຫຼີ ຢືນຢັນ ຈະບໍ່ມີການເຈລະຈາລະຫວ່າງພຽງຢາງ ແລະ ເຊີອູນ ຫຼື ປັບປຸງການພົວພັນລະຫວ່າງ ສປປ.ເກົາຫຼີ ແລະ ສ.ເກົາຫຼີ ຖ້າຫາກສ.ເກົາຫຼີ ບໍ່ສະກັດກັ້ນການເຄື່ອນໄຫວຢາຍໃບປິວຕ້ານສປປ.ເກົາຫຼີ. ຕາມຝ່າຍສປປ.ເກົາຫຼີ ແລ້ວ, ອົງການພົນລະເຮືອນສ.ເກົາຫຼີ ໄດ້ສືບຕໍ່ຢາຍໃບປິວຕ້ານພຽງຢາງ ຢູ່ແຂວງ Kyeoggi ໃນຄໍ່າຄືນວັນທີ 31/10. ຄະນະກຳມະການສ້າງສາສັນຕິພາບຄືນໃໝ່ຂອງສປປ.ເກົາຫຼີ ໄດ້ຍົກອອກຖະແຫຼງການໃຫ້ຮູ້ວ່າ, ພຽງຢາງ ຈະນຳບັນຫາດັ່ງກ່າວຂຶ້ນສູ່ບັນດາອົງການຈັດຕັ້ງສາກົນຄືສະຫະປະຊາຊາດ ເພື່ອມີສຽງເວົ້າກ່າວປະນາມບັນດາການເຄື່ອນໄຫວຂອງສ.ເກົາຫຼີ ທີ່ເຮັດໃຫ້ອິດທິຜົນຊື່ສຽງຂອງວົງການການນຳສປປ.ເກົາຫຼີ ຖືກຫຼຸດລົງ. ຖະແຫຼງການກໍ່ກ່າວເຕື່ອນວ່າ, ອຳນາດການປົກຄອງຂອງທ່ານນາງປະທານາທິບໍດີສ.ເກົາຫຼີ ປັກເກີນຮີ ຈະຕ້ອງທົດແທນຄວາມເສຍຫາຍ ຖ້າຫາກພາດໂອກາດເຈລະຈາເພື່ອແນໃສ່ປັບປຸງການພົວພັນລະຫວ່າງສປປ.ເກົາຫຼີ ແລະ ສ.ເກົາຫຼີ ທີ່ຫາຍາກນີ້.