(vovworld) - ສປປ.ເກົາຫຼີຍິງລູກສອນໄຟແມ່ນການກະທຳລະເມີດມະຕິຂອງສະຫະປະຊາຊາດ. ນີ້ແມ່ນຄຳຢືນຢັນຂອງທ່ານປະທານສະພາຄວາມໝັ້ນຄົງສະຫະປະຊາຊາດ Francois Dalettre ກ່ອນທີ່ຈັດກອງປະຊຸມລັບຂອງສະພາຄວາມໝັ້ນຄົງສະຫະປະຊາຊາດ ໃນວັນທີ 22/06 ກ່ຽວກັບເລື່ອງ ສປປ.ເກົາຫຼີ ຍິງລູກສອນໄຟໄລຍະກາງ Musudan 2 ລູກ, ຈາກນະຄອນ Wosan ໃນຕອນເຊົ້າວັນດຽວກັນ. ທ່ານ Dalettre ໄດ້ຮຽກຮ້ອງໃຫ້ສະພາຄວາມໝັ້ນຄົງ ມີປະຕິກິລິຍາຢ່າງໄວ ແລະ ເຂັ້ມແຂງ. ບັນດາເຫດຍິງລູກສອນໄຟຂອງສປປ.ເກົາຫຼີ ດຳເນີນໃນເວລາປະມານແຕ່ 5 ໂມງ 58 ນາທີ ແລະ 8 ໂມງ 05 ນາທີ (ຕາມເວລາທ້ອງຖິ່ນ). ໃນນັ້ນການຍິງລູກສອນໄຟຄັ້ງທີ່ໜຶ່ງຖືກປະລາໄຊ, ການຍິງລູກສອນໄຟຄັ້ງທີ 2 ແມ່ນບິນໄດ້ປະມານ 400 ກ.ມ. ແລະກໍໃນຄຳກ່າວປາໄສກ່ອນດຳເນີນກອງປະຊຸນນີ້, ທ່ານຮອງໂຄສົກສະຫະປະຊາຊາດ Farhan Haq ຢືນຢັນວ່າ, ການກະທຳຂອງສປປ.ເກົາຫຼີ ແມ່ນຂາດຄວາມຮັບຜິດຊອບ ແລະ ເປັນການທະທ້າຍເຈດຕະນາດີຂອງປະຊາຄົມສາກົນ. ທຳນຽບຂາວ ກໍອອກຖະແຫຼງກ່າວປະນາມເຫດຍິງລູກສອນໄຟຄັ້ງລ້າສຸດຂອງສປປ.ເກົາຫຼີ ຢ່າງຮ້າຍແຮງ, ພ້ອມທັງເນັ້ນໜັກວ່າ, ນີ້ແມ່ນການກະທຳ “ລະເມີດຢ່າງເປີດແປນ” ຕໍ່ບັນດາພັນທະສາກົນຂອງພຽງຢາງ.
ວັນທີ 23/06, ສປປ.ເກົາຫຼີ ຖະແຫຼງວ່າ, ໄດ້ທົດລອງລູກສອນໄຟນຳວິທີຍຸດທະສາດໜ້າດິນຕ້ານໜ້າດິນໄລຍະກາງ ແລະ ໄລຍະໄກ Hwasong – 10 ເຖິງເປົ້າໝາຍຢູ່ເຂດທະເລໄກ 400 ກ.ມສຳເລັດຜົນ.