(vovworld) – ຕອນເຊົ້າວັນທີ 18/2, ຢູ່ ຮ່າໂນ້ຍ, ອົງການກວດສອບບັນຊີແຫ່ງລັດຫວຽດນາມ ຈັດຕັ້ງການປະຊຸມຂ່າວປະກາດແຜນການກວດສອບບັນຊີປີ 2014. ທີ່ການປະຊຸມຂ່າວ, ຜູ້ຕາງໜ້າອົງການກວດຊອບແຫ່ງລັດໃຫ້ຮູ້ວ່າ, ປີ 2014, ອົງການນີ້ຈະສຸມໃສ່ເຂົ້າໃນ 2 ໜ້າທີ່ຈຸດສຸມ. ທີ່ໜຶ່ງແມ່ນ ສຸມໃສ່ກວດສອບບັນຊີປະຕິບັດແຜນການສ້າງໂຄງປະກອບພື້ນຖານເສດຖະກິດຄືນໃໝ່. ທີສອງແມ່ນສຸມໃສ່ກວດສອບບັນຊີບັນດາກຸ່ມບໍລິສັດ, ບໍລິສັດໃຫຍ່ແຫ່ງລັດ, ທະນາຄານການຄ້າແຫ່ງລັດ, ພິເສດແມ່ນວິວັດທະນາການສ້າງໂຄງປະກອບບັນດາກຸ່ມບໍລິສັດ, ບໍລິສັດໃຫຍ່ແຫ່ງລັດຄືນໃໝ່ ເຊິ່ງລະອຽດແມ່ນວິສາຫະກິດ ແລະ ທະນາຄານການຄ້ານແຫ່ງລັດ 42ແຫ່ງ.
ນອກຈາກນັ້ນ, ໃນປີນີ້, ອົງການກວດສອບແຫ່ງລັດກໍ່ໄດ້ເພີ່ມທະວີການກວດສອບວຽກງານຄຸ້ມຄອງລາຍຮັບງົບປະມານ, ເງິນນຳໃຊ້ທີ່ດິນ.... ທ່ານເລມິງຄ໋າຍ, ຮອງຫົວໜ້າອົງການກວດສອບບັນຊີແຫ່ງລັດ, ໃຫ້ຮູ້ວ່າ:
“ປີ 2014, ອົງການກວດສອບບັນຊີແຫ່ງລັດກໍ່ຈະສຸມໃສ່ເຂົ້າໃນບັນດາຂົງເຂດເຊິ່ງສັງຄົມມີຄວາມສົນໃຈຄື: ລາຄານ້ຳມັນເຊື້ອໄຟ, ນະໂຍບາຍການເກັບຊື້ ສະສົມເຂົ້າສານ, ຄຸ້ມຄອງການນຳໃຊ້ທຶນຢູ່ບັນດາທະນາຄານເໝາະສົມ ຫຼື ບໍ່?. ປີນີ້, ແຜນການກວດສອບບັນຊີລວມມີ 17 ຫົວເລື່ອງສະເພາະ, ເພີ່ມຂຶ້ນເມື່ອທຽບໃສ່ປີ 2013. ພິເສດໃນປີນີ້ ໄດ້ເອົາໃຈໃສ່ເຖິງຂົງເຂດການເງິນ, ປະກັນໄພ, ຕີລາຄາການນຳໃຊ້ທຶນຢູ່ບັນດາກຸ່ມບໍລິສັດ, ບໍລິສັດໃຫຍ່.”