(vovworld) - ການພົບປະສົນທະນາສື່ມວນຊົນເນື່ອງໃນໂອກາດວັນໂລກປ້ອງກັນ, ສະກັດກັ້ນລູກລະເບີດ (4/4) ຖືກດຳເນີນໃນວັນທີ 2/4, ຢູ່ຮ່າໂນ້ຍ. ທ່ານ ບູ່ຍຮົ່ງຫຼີງ, ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ໃຫ້ຮູ້ວ່າ: ມົນລະຜິດຈາກລູກລະເບີດໄດ້ກໍ່ຜົນຮ້າຍຢ່າງໜັກໜ່ວງທັງດ້ານຊີວິດອີນຊີ, ຊັບສົມບັດ, ຊີວິດການເປັນຢູ່ຂອງປະຊາຊົນ, ສົ່ງຜົນສະທ້ອນຢ່າງໜັກໜ່ວງເຖິງການພັດທະນາເສດຖະກິດ, ສັງຄົມ, ສິ່ງແວດລ້ອມ, ຈຳກັດເນື້ອທີ່ດິນດຳເນີນຊີວິດ, ປູກຝັງ ແລະ ກໍ່ຜົນຮ້າຍອື່ນໆອີກ. ຕາມຕົວເລກສະຖິຕິນັບແຕ່ປີ 1975 – 2000, ຫວຽດນາມ ມີຜູ້ເສຍຊີວິດກ່ວາ 42.000 ຄົນ, ຜູ້ຮັບບາດເຈັບເກືອບ 63.000 ຄົນຍ້ອນລູກລະເບີດ, ໝາກມິ່ນ, ວັດຖຸລະເບີດ. ຈຳນວນລູກລະເບີດ, ໝາກມິ່ນ, ວັດຖຸລະເບີດບໍ່ທັນແຕກປະມານກ່ວາ 600.000 ໂຕນ ປະຈຸບັນພວມຕົກຄ້າງຢູ່ໃຕ້ດິນ. ຍາມໃດ ພັກ, ລັດ, ລັດຖະບານ ຫວຽດນາມ ກໍ່ເອົາໃຈໃສ່ເຖິງເລື່ອງແກ້ໄຂຜົນຮ້າຍຢ້ອນຫຼັງຈາກລູກລະເບີດໝາກມິ່ນທັງ 3 ເນື້ອໃນຄື: ເກັບກູ້ທຳລາຍລູກລະເບີດໝາກມິນ ຍັງບໍ່ທັນແຕກ, ໜູນຊ່ວຍຜູ້ປະສົບເຄາະຮ້າຍ, ໂຄສະນາສຶກສາປ້ອງກັນ, ຫຼີກລ້ຽງລູກລະເບີດໝາກມິ່ນ. ປີ 2013, ຫວຽດນາມ ຈະສືບຕໍ່ສຳຫຼວດກໍ່ສ້າງທົດລອງໂຄງການສຸກສາລາຕາແສງ ເພື່ອໜູນຊ່ວຍຜູ້ປະສົບເຄາະຮ້າຍຈາກລູກລະເບີດໝາກມິ່ນຟື້ນອະໄວຍະວະ, ສຳຫຼວດ, ກໍ່ສ້າງກຳນົດແຜນສັງລວມບັນດາຮາກຖານໜູນຊ່ວຍຜູ້ປະສົບເຄາະຮ້າຍຈາກລູກລະເບີດ.