(ສະຖານທູດຫວຽດນາມ ປະຈຳລາວ ຖະຫວາຍທູບທຽນບູຊາ
ອາໄລຫາທະຫານອາສາສະໝັກ)
(vovworld) – ຕອນເຊົ້າວັນທີ 27/07, ທ່ານເອກອັກຄະລັດຖະທູດຫວຽດນາມ ປະຈຳລາວ ຫງວຽນແມ້ງຮຸ່ງ ໄດ້ນຳໜ້າຄະນະພະນັກງານສະຖານທູດ, ບັນດາອົງການຕາງໜ້າຂອງຫວຽດນາມ ຢູ່ລາວ ໄດ້ໄປວາງພວງມາລາ ແລະ ຖະຫວາຍທູບທຽນບູຊາອາໄລຫາທະຫານອາສາສະໝັກຫວຽດນາມ ແລະ ລາວ ທີ່ໄດ້ເສຍສະຫຼະຊີວິດໃນການຕໍ່ຕ້ານ ຕ້ານພວກລ່າເມືອງຂຶ້ນຝລັ່ງ ຢູ່ບ້ານເກີນ, ແຂວງວຽງຈັນ. ກ່າວຄຳເຫັນທີ່ພິທີຖະຫວາຍທູບທຽນ, ທ່ານເອກອັກຄະລັດຖະທູດ ຫງວຽນແມ້ງຮຸ່ງ ຢືນຢັນການເສຍສະຫຼະຊີວິດຂອງທະຫານອາສາສະໝັກ ໄດ້ປະກອບສ່ວນສຳຄັນເຂົ້າໃນພາລະກິດປະຕິວັດ ເພື່ອສັນຕິພາບ, ເອກະລາດຂອງຫວຽດນາມ ແລະ ລາວ ໃນວັນນີ້. ແຕ່ລະປີ, ບໍ່ພຽງແຕ່ມີພະນັກງານສະຖານທູດ, ບັນດາອົງການຕາງໜ້າຂອງຫວຽດນາມຢູ່ລາວ ມາຖະຫວາຍທູນທຽນ ແລະ ວາງພວງມາລາເພື່ອຕອບບຸນແທນຄຸນບັນດານັກຮົບເສຍສະຫຼະຊີວິດເທົ່ານັ້ນ, ຫາກຍັງມີການນຳ ແລະ ປະຊາຊົນລາວ ບັນດາເຜົ່າເປັນຈຳນວນຫຼວງຫຼາຍ ມາຖະຫວາຍທູບທຽນອາໄລຫາອີກດ້ວຍ.