ສະພາຄວາມໝັ້ນຄົງສະຫະປະຊາຊາດກ່າວປະນາມສປປເກົາຫຼີຍິງທົດລອງລູກສອນໄຟ
(ພາບປະກອບ: THX/TTXVN)
(vovworld) – ຄ່ຳຄືນວັນທີ 23/06 ຕາມເວລາຮ່າໂນ້ຍ, ສະພາຄວາມໝັ້ນຄົງສະຫະປະຊາຊາດ ໄດ້ດຳເນີນກອງປະຊຸມ ແລະ ອອກຖະແຫຼງກ່າວປະນາມ ການຍິງທົດລອງລູກສອນໄຟນຳວິຖີ 2 ຄັ້ງຂອງ ສປປ.ເກົາຫຼີ ໃນອາທິດນີ້, ເອີ້ນວ່ານີ້ແມ່ນການກະທຳ “ລະເມີດຢ່າງຮ້າຍແຮງ” ເຖິງຄຳສັ່ງເກືອດຫ້າມຂອງສາກົນ. ຖະແຫຼງການທີ່ໄດ້ຮັບການຮັບຮອງເອົາຈາກ 15 ປະເທດເປັນສະມາຊິກ, ສະພາຄວາມໝັ້ນຄົງ ໃຫ້ຮູ້ວ່າ “ເປັນໜ້າເສຍດາຍ” ເພາະສປປ.ເກົາຫຼີ ສືບຕໍ່ຕິດໄປຕາມໂຄງການລູກສອນໄຟນຳວິຖີ ແລະ ບັນດາເຫດຍິງທົດລອງຜ່ານມາ ໄດ້ເຮັດໃຫ້ຄວາມເຄັ່ງຕຶງເພີ່ມຂຶ້ນ. ສະພາຄວາມໝັ້ນຄົງກະຕຸກຊຸກຍູ້ 193 ປະເທດສະມາຊິກສະຫະປະຊາຊາດ ເພີ່ມຄວາມມານະພະຍາຍາມຕື່ມອີກ ເພື່ອແນໃສ່ປະຕິບັດບັນດາມາດຕະການລົງໂທດ ສປປ.ເກົາຫຼີ ຢ່າງຄົມຖ້ວນ, ພິເສດແມ່ນບັນດາມາດຕະການທີ່ແຂງກະດ້າງທີ່ສຸດໃນ 2 ທົດສະວັດທີ່ຜ່ານມາ ເຊິ່ງສະພາຄວາມໝັ້ນຄົງໄດ້ເຫັນດີຮັບຮອງເອົາເມື່ອເດືອນ 3 ຜ່ານມາ. ສະພາຄວາມໝັ້ນຄົງກໍ່ເຕື້ອງຄືນຂໍ້ສະເໜີ ສປປ.ເກົາຫຼີ ຢຸດຕິທຸກການລະເມີດ ແລະ ບັນດາການເຄື່ອນໄຫວທົດລອງນິວເຄຼຍກໍ່ຄືລູກສອນໄຟນຳວິຖີທັງໝົດ ພ້ອມທັງເຄົາລົບມະຕິ 5 ສະບັບ ເຊິ່ງສະຫະປະຊາຊາດຈັດວາງນັບແຕ່ເມື່ອປະເທດນີ້ດຳເນີນເຫດທົດລອງນິວເຄຼຍຄັ້ງທຳອິດເມື່ອໃນປີ 2006.