ສະພາແຫ່ງຊາດກຳປູເຈຍ ສະເໜີແບ່ງທີ່ນັ່ງຂອງ ພັກກູ້ຊາດໃຫ້ພັກ ການເມືອງອື່ນໆ
ທ່ານ Sam Rainsy (ຂວາ) ໃນການປະຊຸມຂ່າວເມື່ອວັນທີ 28/12
(ພາບ: THX/TTXVN)
(vovworld)- ກ່າວຄຳເຫັນກັບວົງການນັກຂ່າວເມື່ອວັນທີ 30/12, ທ່ານ Ngoun Nhol ຮອງປະທານຜູ້ທີ 1 ຂອງສະພາແຫ່ງຊາດກຳປູເຈຍ ໃຫ້ຮູ້ວ່າ: ສະພາແຫ່ງຊາດຈະສົ່ງເອກະສານມາຍັງກະສັດກຳປູເຈຍ, ຄະນະກຳມະການເລືອກຕັ້ງແຫ່ງຊາດກຳປູເຈຍ (NEC) ແລະ ສະພາລັດຖະທຳມະນູນ ເພື່ອສະເໜີເລື່ອງສະມາຊິກລັດຖະສະພາ 55 ທ່ານຂອງພັກກູ້ຊາດກຳປູເຈຍ (CNRP) ບໍ່ເຂົ້າຮ່ວມສະພາແຫ່ງຊາດໃນເວລາ 3 ເດືອນ ເພື່ອໃຫ້ບັນດາອົງການນີ້ແກ້ໄຂຕາມລະບຽບກົດໝາຍ. ເລື່ອງແບ່ງທີ່ນັ່ງຂອງສະມາຊິກສະພາແຫ່ງຊາດ 55 ທ່ານຂອງພັກ CNRP ໃຫ້ແກ່ພັກການເມືອງອື່ນທີ່ເຂົ້າຮ່ວມການຫາສຽງເລືອກຕັ້ງ ໂດຍ NEC ແລະ ສະພາລັດຖະທຳມະນູນປະຕິບັດ. ທ່ານ Ngoun Nhol ກໍ່ເນັ້ນໜັກວ່າ: ເລື່ອງສະມາຊິກສະພາແຫ່ງຊາດ 55 ທ່ານຂອງພັກ CNRP ບໍ່ເຂົ້າຮ່ວມການປະຊຸມຄັ້ງປະຖົມມະເລິກ ແລະ ບໍ່ເຮັດພິທີສາບານຕົວຢູ່ລາຊະວັງ ກໍ່ເຮັດໃຫ້ເຂົາເຈົ້າເສຍສິດເປັນສະມາຊິກສະພາແຫ່ງຊາດ.
ກ່ຽວຂ້ອງເຖິງບັນຫາເຈລະຈາລະຫວ່າງພັກ ປຊຊ ກຳປູເຈຍ (CPP) ແລະ CNRP, ທ່ານ Khieu Kanharith ລັດຖະມົນຕີກະຊວງຖະແຫຼງຂ່າວ ທັງເປັນໂຄສົກຂອງລັດຖະບານກຳປູເຈຍ ໃຫ້ຮູ້ວ່າ: ທ່ານນາຍົກລັດຖະມົນຕີ Hun Sen ໄດ້ຕົກລົງພົບປະກັບທ່ານ Sam Rainsy ປະທານພັກ CNRP ຝ່າຍຄ້ານໃນວັນທີ 2/1/2014 ເພື່ອເຈລະຈາກ່ຽວກັບບັນຫາປະຕິຮູບການເລືອກຕັ້ງ./.