(vovworld) – ດ້ວຍບັດເຫັນດີ 113/117 ບັດ, ວັນທີ 09/04, ສະພາແຫ່ງຊາດກຳປູເຈຍ ໄດ້ປ່ອນບັດຮັບຮອງເອົາພາກສ່ວນຂອງຄະນະກຳມາທິການເລືອກຕັ້ງສະພາແຫ່ງຊາດ ກຳປູເຈຍ (NEC) ໃໝ່ ເຊິ່ງລວມມີ 9 ສະມາຊິກ. NEC ໃໝ່ໄດ້ຮັບການຮັບຮອງເອົາຕາມຂໍ້ສະເໜີຂອງພັກປະຊາຊົນກຳປູເຈຍ (CPP) ກຳອຳນາດ ແລະ ພັກກູ້ຊາດ (CNRP) ແຕ່ລະພັກໄດ້ມີສະມາຊິກ 4 ຄົນໃຫ້ອົງການດັ່ງກ່າວ ແລະ ສະມາຊິກຄົນທີ່ 9 ແມ່ນຄົນກາງ ທີ່ໄດ້ຮັບການສະເໜີຜ່ານການຕົກລົງລະຫວ່າງ 2 ພັກ. 9 ສະມາຊິກດັ່ງກ່າວຈະບໍ່ແມ່ນສະມາຊິກຂອງບໍ່ວ່າພັກຝ່າຍການເມືອງໃດໆອີກ, ຫາກກາຍເປັນສະມາຊິກຂອງ NEC ຄົນກາງໄກ່ກ່ຍ.
ຕາມຂໍ້ສັງເກດຂອງວົງການນັກໄຈ້ແຍກແລ້ວ, ເລື່ອງ CPP ແລະ CNRP ພ້ອມກັນຮັບຮອງເອົາພາກສ່ວນ NEC ໃໝ່ ໄດ້ປະກອບສ່ວນຮັບປະກັນສະພາບການເມືອງກຳປູເຈຍ ມີສະຖຽນລະພາບໃນໄລຍະຈະມາເຖິງ. ຕາມແຜນການ, NEC ຈະສະເໜີຕົວຢ່າງເປັນທາງການໃນວັນທີ 13/04 ຈະມາເຖິງ.