(ສະພາແຫ່ງຊາດ ຫວຽດນາມ ປຶກສາຫາລືກ່ຽວກັບຮ່າງ
ກົດໝາຍວ່າດ້ວຍຄວາມເຫຼື້ອມໃສ, ສາສະໜາ)
(vovworld) – ຕອນເຊົ້າວັນທີ 13/11, ສະພາແຫ່ງຊາດ ຫວຽດນາມ ປຶກສາຫາລືກ່ຽວກັບຮ່າງກົດໝາຍວ່າດ້ວຍຄວາມເຫຼື້ອມໃສ, ສາສະໜາ. ບັນດາສະມາຊິກສະພາແຫ່ງຊາດ ເຫັນດີເປັນເອກະພາບຖືວ່າ: ນີ້ແມ່ນຈຸດເວລາທີ່ເໝາະສົມ ເພື່ອປະກາດໃຊ້ກົດໝາຍສະແດງຄວາມເຄົາລົບຂອງລັດສຳລັບສິດເສລີ, ການເຫຼື້ອມໃສ, ສາສະໜາຂອງປະຊາຊົນ. ກ່ຽວກັບຂອບເຂດການປັບປຸງ, ບັນດາສະມາຊິກສະພາແຫ່ງຊາດໄດ້ປະກອບຄຳເຫັນວ່າ ຄວນປັບປຸງທັງຂົງເຂດການເຫຼື້ອມໃສ ໃຫ້ສອດຄ່ອງກັບຂໍ້ກຳນົດຂອງລັດຖະທຳມະນູນປີ 2013 ກ່ຽວກັບສິດເສລີໃນການເຫຼື້ອມໃສ, ສາສະໜາ, ສ້າງກອບກົດໝາຍ ຢ່າງຄົບຖ້ວນ ເພື່ອປະຕິບັດສິດເສລີໃນການເຫຼື້ອມໃສ ແລະ ກຳນົດທິດໃຫ້ບັນດາການເຄື່ອນໄຫວເຫຼື້ອມໃສ ໄດ້ຮັບການປະຕິບັດຢ່າງປອດໃສ, ເສີມຂະຫຍາຍຄຸນຄ່າວັດທະນະທຳ, ຄຸນສົມບັດ, ວັດທະນະທຳມະນຸດທີ່ເປັນມູນເຊື້ອຂອງຊາດ.