ສະມາຊິກພັກກອມມູນິດ ຫວຽດນາມ ເປີດເຜີຍ ຊັບສົມບັດຢ່າງຈະແຈ້ງ
(ພາບປະກອບ)
(vovworld) - ວັນທີ 03/01/2014, ກົມການເມືອງ ໄດ້ປະກາດຄຳສັ່ງຊີ້ນຳກ່ຽວກັບການເພີ່ມທະວີການນຳພາຂອງພັກໃນການແຈ້ງ ແລະ ຄວນບຄຸມການແຈ້ງຊັບສົມບັດ. ຕາມນັ້ນແລ້ວ, ການແຈ້ງ ແລະ ຄວບຄຸມການແຈ້ງຊັບສົມບັດແມ່ນມາດຕະການແກ້ໄຂສຳຄັນໃນວຽກງານປ້ອງກັນ, ຕ້ານການສໍ້ລາດບັງຫຼວງ. ກົມການເມືອງຮຽກຮ້ອງໃຫ້ຄະນະພັກ, ອົງການຈັດຕັ້ງພັກ ປະຕິບັດວຽກງານເພີ່ມທະວີການນຳພາເພື່ອເປັນເອກະພາບຄວາມຮັບຮູ້ຂອງພະນັກງານ, ສະມາຊິກພັກ, ລັດຖະກອນ, ພາລະກອນ ແລະ ຂອງອົງການ, ອົງການຈັດຕັ້ງ, ຫົວໜ່ວຍ, ຫົວໜ້າໜ້າອົງການ, ອົງການຈັດຕັ້ງ, ຫົວໜ່ວຍກ່ຽວກັບການແຈ້ງ, ກວດກາການແຈ້ງຊັບສົມບັດຕາມຂໍ້ຕົກລົງຂອງພັກ, ລັດ. ຜ່ານນັ້ນ, ເສີມຂະຫຍາຍລັກສະນະຕື່ນຕົວ, ບໍລິສຸດ ແລະ ສະຕິຮັບຜິດຊອບຂອງພະນັກງານ, ສະມາຊິກພັກ, ລັດຖະກອນ, ພາລະກອນໃນການແຈ້ງຊັບສົມບັດ. ບັນດາຄະນະພັກ, ອົງການຈັດຕັ້ງພັກ ຕ້ອງກຳນົດເລື່ອງແຈ້ງ, ຄວບຄຸມການແຈ້ງຊັບສົມບັດ ແມ່ນມາດຖານເພື່ອຕີລາຄາພະນັກງານ, ສະມາຊິກພັກ, ລັດຖະກອນ, ພາລະກອນ; ຕີລາຄາລະດັບສຳເລັດໜ້າທີ່ຂອງອົງການຈັດຕັ້ງ, ຫົວໜ່ວຍ ແລະ ຜູ້ເປັນຫົວໜ້າ.