( vovworld ) - ວັນທີ 25/6, ຄະນະກຳມະການຄວາມປອດໄພທາງຄົມມະນາຄົມແຫ່ງຊາດ ໄດ້ຈັດກອງປະຊຸມຜ່ານເຄື່ອຂ່າຍອີນເຕີແນດກັບບັນດາກະຊວງ, ຂະແໜງການ, ຄະນະກຳມະການປະຊາຊົນບັນດາແຂວງກ່ຽວກັບການສະຫຼຸບວຽກງານຮັບປະກັນຄວາມເປັນລະບຽບຮຽບຮ້ອຍ ແລະ ຄວາມປອດໄພທາງຄົມມະນາຄົມໃນ 6 ເດືອນຕົ້ນປີ. ເຂົ້າຮ່ວມ ແລະ ເປັນປະທານກອງປະຊຸມ, ທ່ານຮອງນາຍົກລັດຖະມົນຕີ Nguyen Xuan Phuc ໄດ້ຮຽກຮ້ອງໃຫ້ກະຊວງຄົມມະນາຄົມຂົນສ່ົງ ຈົ່ງຮີບເຮັ່ງປັບປຸງບັນດາແຜນຮ່າງຄື ຍົກສູງຄຸນນະພາບວຽກງານຈົດທະບຽນ, ອອກໄບຂັບຂີ່ຍານພາຫະນະ, ພັດທະນາຍານພາຫະນະຂົນສົ່ງສາທາລະນະ… ກະຊວງຕຳຫຼວດສຸມໃສ່ລະດົມທຸກແຫຼ່ງກຳລັງ ແລະ ພາຫະນະເຕັກນິກ, ປະຕິບັດການປັບໃໝລົງໂທດບັນດາການກະທຳລະເມີດກົດໝາຍຄວາມເປັນລະບຽບຮຽບຮ້ອຍ ແລະ ຄວາມປອດໄພທາງຄົມມະນາຄົມຢ່າງເຂັ້ມງວດ ທ່ານຮອງນາຍົກລັດຖະມົນຕີ ກໍຮຽກຮ້ອງໃຫ້ບັນດາກະຊວງ ຂະແໜງການທີ່ກ່ຽວຂ້ອງປັບປຸງເອກະສານນິຕິກຳໃຫ້ສຳເລດເພື່ອປະກາດໃຊ້ ຫຼື ສະເໜີໃຫ້ຂັ້ນທີມີສິດອຳນາດປະກາດໃຊ້ທີ່ກ່ຽວຂ້ອງເຖິງວຽກງານຮັບປະກັນຄວາມປອດໄພທາງຄົມມະນາຄົມໂດຍໄວ, ແນໃສ່ປະຕິບັດມະຕິຂອງສະພາແຫ່ງຊາດກ່ຽວກັບວຽກງານຮັບປະກັນຄວາມເປັນລະບຽບຮຽບຮ້ອຍ ແລະ ຄວາມປອດໄພທາງຄົມມະນາຄົມແຫ່ງຊາດຢ່າງມີໄຊ.