ສະຫະພັນໃຫຍ່ ແຮງງານຫວຽດນາມ ຜັນຂະຫຍາຍໜ້າທີ່ປີ 2013
(ພາບປະກອບ)
(vovworld) - ຕອນເຊົ້າວັນທີ 23/02, ຢູ່ຮ່າໂນ້ຍ, ກົມໃຫຍ່ແຮງງານຫວຽດນາມ ໄດ້ຈັດກອງປະຊຸມຜັນຂະຫຍາຍໜ້າທີ່ຈຸດສຸມຂອງອົງການກຳມະບານໃນປີ 2013. ໜຶ່ງໃນບັນດາໜ້າທີ່ຈຸດສຸມຂອງສະຫະພັນໃຫຍ່ໃນປີ 2013 ນັ້ນແມ່ນ ຈັດຕັ້ງກອງປະຊຸມໃຫຍ່ກຳມະບານທຸກຂັ້ນ, ຂະແໜງການສູນກາງ ແລະ ກອງປະຊຸມໃຫຍ່ກຳມະບານຫວຽດນາມຄັ້ງທີ 11 ໃຫ້ສຳເລັດຜົນ. ທ່ານ ຮ່ວາງງອກແທງ, ຮອງປະທານສະຫະພັນໃຫຍ່ແຮງງານຫວຽດນາມ, ເນັ້ນໜັກວ່າ.
“ປີ 2013 ແມ່ນປີທຳອິດທີ່ຜັນຂະຫຍາຍກົດໝາຍວ່າດ້ວຍກຳມະບານ, ກົດໝາຍວ່າດ້ວຍແຮງງານ ທັງແມ່ນປີຈັດກອງປະຊຸມໃຫຍ່ກຳມະບານຫວຽດນາມຄັ້ງທີ 11 ອາຍຸການ 2013 – 2018; ສະຫຼຸບ 5 ປີແຫ່ງການປະຕິບັດມະຕິເລກທີ 20 ຂອງພັກ ກ່ຽວກັບການສືບຕໍ່ກໍ່ສ້າງຊົນຊັ້ນກຳມະກອນຫວຽດນາມ ໃນໄລຍະຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ, ໃນປີ 2013 ຈະສຸມໃສ່ຈັດຕັ້ງກອງະຊຸມໃຫຍ່ກຳມະບານບັນດາແຂວງ, ນະຄອນເປັນຢ່າງດີ ແລະ ສຸມໃສ່ຜັນຂະຫຍາຍຈົດໝາຍລັດຖະການເພື່ອຜັນຂະຫຍາຍກົດໝາຍວ່າດ້ວຍກຳມະບານ ແລະ ກົດໝາຍວ່າດ້ວຍແຮງງານ”.