ສະຫະພາບເອີລົບແລະຫວຽດນາມຊຸກຍູ້ການຮ່ວມສຳພັນການຄ້າຜະລິດຕະພັນກະເສດແລະສະບຽງອາຫານ
(vovworld)- ວັນທີ 3/11 ຢູ່ ຮ່າໂນຍ, ຄະນະຜູ້ຕາງຫນ້າສະຫະພາບເອີລົບ ປະຈຳຫວຽດນາມ ໄດ້ສົມທົບກັບກະຊວງອຸດສາຫະກຳ ແລະ ການຄ້າ ຈັດຕັ້ງກອງປະຊຸມສຳມະນາ ດ້ວຍຫົວຂໍ້ວ່າ: “ສັນຍາການຄ້າເສລີ ຫວຽດນາມ - ສະຫະພາບເອີລົບ: ຄວາມປອດໄພດ້ານສະບຽງອາຫານ ແລະ ກາລະໂອກາດສຳຜັດກັບຕະຫລາດໃຫ້ແກ່ຜະລິດຕະພັນກະເສດ -ເຄື່ອງດື່ມ. ກ່າວຄຳເຫັນທີ່ກອງປະຊຸມສຳມະນາ, ທ່ານ ກາວກວກຮືງ, ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ ໄດ້ເນັ້ນຫນັກວ່າ : ກອງປະຊຸມສຳມະນາຄັ້ງນີ້ ແມ່ນຫນຶ່ງໃນບັນດາກາລະໂອກາດເພື່ອໃຫ້ວິສາຫະກິດ ສະຫະພາບເອີລົບ ແລະ ຫວຽດນາມ ສາມາດ ອັດເດັດຂໍ້ມູນຂ່າວສານກ່ຽວກັບບັນດາຄຳໝັ້ນສັນຍາໃນສັນຍາການຄ້າເສລີ ຫວຽດນາມ - ສະຫະພາບເອີລົບ ແລະ ວິວັດການຫລຸດຜ່ອນພາສີ ກໍຄື ຂໍ້ກຳນົດປະຈຸບັນຂອງທັງສອງຕະຫລາດກ່ຽວກັບຄວາມປອດໄພດ້ານສະບຽງອາຫານ, ການລົງທຶນ, ການຈຳຫນ່າຍ, ອອກຫນັງສືອະນຸຍາດໃຫ້ບັນດາຜະລິດຕະພັນສະບຽງອາຫານ ແລະ ເຄື່ອງດື່ມ.