(vovworld)- ຕອນຄ່ຳ, ວັນທີ 2/9 ສະຖານທູດຫວຽດນາມ ປະຈຳອິນໂດເນເຊຍ ໄດ້ສົມທົບກັບຄະນະຜູ້ຕາງໜ້າ ຂອງຫວຽດນາມ ປະຈຳອາຊຽນ ຈັດຕັ້ງພິທີສະເຫຼີມສະຫຼອງວັນຊາດຫວຽດນາມ ຄົບຮອບ 69 ປີ (2/9/1945-2/9/2014) ຢູ່ນະຄອນຫຼວງ Jakarta ປະເທດອິນໂດເນເຊຍ. ນະທີ່ນີ້, ທ່ານເອກອັກຄະລັດຖະທູດ ຫວຽດນາມ ປະຈຳອິນໂດເນເຊຍ ຫງວຽນຊວນຖຸຍ ໄດ້ທົບທວນຄືນບັນດາຜົນງານທີ່ ຫວຽດນາມ ບັນລຸໄດ້ ແລະ ບັນດາຄວາມຫຍຸ້ງຍາກສິ່ງທ້າທາຍ ເຊິ່ງປະຊາຊົນຫວຽດນາມໄດ້ຜ່ານຜ່າໃນການສ້າງສາ ແລະ ປົກປັກຮັກສາປະເທດຊາດ, ປະກອບສ່ວນໃນການຮັກສາສັນທິພາບ, ຄວາມສະຫງົບ, ສະຖຽນລະພາບ ແລະ ພັດທະນາໃນພາກພື້ນ ແລະ ໃນໂລກ, ພ້ອມກັບ ບັນດາປະເທດສະມາຊິກ ອາຊຽນ ມຸ່ງໄປເຖິງການກໍ່ສ້າງສະມາຄົມ ອາຊຽນ ໃນປີ 2015.
ກ່າວຄຳເຫັນທີ່ພິທີສະເຫຼີມສະຫຼອງແຫ່ງວັນຊາດ ຫວຽດນາມ 2/9 ຄົບຮອບ 69 ປີ ຈັດຂຶ້ນຢູ່ Angola , ທ່ານເອກອັກຄະລັດຖະທູດ ຫວຽດນາມ ປະຈຳAngola ໂດບ໋າຄວາ ຢັ້ງຢືນວ່າ: ຄວາມຕັດສິນໃຈ ຂອງລັດຖະບານ ແລະ ປະຊາຊົນຫວຽດນາມ ໃນຂະບວນການກໍ່ສ້າງ ແລະ ປົກປັກຮັກສາປະເທດຊາດ, ປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນ ພ້ອມທັງສືບຕໍ່ການປະຕິບັດນະໂຍບາຍການຕ່າງປະເທດເອກະລາດເປັນເຈົ້າ, ສັນຕິພາບ, ຫຼາຍຮູບຫຼາຍແບບ ແລະ ຫຼາຍຝ່າຍ, ແລະແມ່ນສະມາຊິກຢ່າງຕັ້ງໜ້າ, ມີຄວາມຮັບຜິດຊອບ ແລະ ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈ ຂອງປະຊາຄົມສາກົນ.