ທ່ານ ເຈິ່ນດ້າຍກວາງ ປະທານປະເທດ ເຂົ້າຮ່ວມພິທີ
(ພາບ: TTXVN)
(vovworld) - ຕອນເຊົ້າວັນທີ 7/5, ຢູ່ນະຄອນ ດ້ຽນບຽນຝູ, ແຂວງ ດ້ຽນບຽນ, ດຳເນີນພິທີສະເຫຼີມສະຫຼອງ 62 ປີແຫ່ງໄຊຊະນະດ້ຽນບຽນຝູ (7/5/1954-7/5/2016) ແລະຕ້ອນຮັບຫຼຽນໄຊແຮງງານຊັ້ນໜຶ່ງ. ເຂົ້າຮ່ວມພິທີມີທ່ານ ເຈິ່ນດ້າຍກວາງ, ປະທານປະເທດ. ກ່າວຄວາມເຫັນຢູ່ທີ່ນີ້, ທ່ານ ມົ່ວອາເຊີນ, ປະທານຄະນະກຳມະການປະຊາຊົນແຂວງ ດ້ຽນບຽນ, ຢືນຢັນວ່າ:
“ໄຊຊະນະຂອງການຕໍ່ຕ້ານຕ້ານລ່າເມືອງຂຶ້ນ ຝລັ່ງ, ເຊິ່ງຈຸດສູງແມ່ນໄຊຊະນະ ດ້ຽນບຽນຝູ, ແມ່ນໄຊຊະນະຂອງນຳ້ໃຈຮັກຊາດ, ເຈດຈຳນົງພິລະອາດຫານຂອງຊາດຫວຽດນາມ; ແມ່ນໄຊຊະນະຂອງແນວທາງປະຕິວັດອັນຖືກຕ້ອງຂອງພັກກອມມູນິດ ຫວຽດນາມ, ຂອງແນວທາງຕໍ່ຕ້ານອັນຍືດເຍື້ອຍາວນານ… ໄຊຊະນະ ດ້ຽນບຽນຝູແມ່ນໄຊຊະນະຂອງນຳ້ໃຈສາມັກຄີຕໍ່ສູ້ສັດຊື່ບໍລິສຸດຂອງກອງທັບ ແລະ ປະຊາຊົນ 3 ປະເທດ ຫວຽດນາມ, ລາວ, ກຳປູເຈຍ; ທັງແມ່ນໄຊຊະນະລວມຂອງບັນດາປະເທດທີ່ຖືກກົດຂີ່ຂູດຮີດຢູ່ໃນໂລກ, ເປີດສາກການລົ້ມລະລາຍຂອງລ່າເມືອງຂຶ້ນເກົ່າໃນຂອບເຂດທົ່ວໂລກ, ປຸກລະດົມກຳລັງໃຈ ແລະ ປະກອບສ່ວນສຳຄັນເຂົ້າໃນຂະບວນການຕໍ່ສູ້ເພື່ອສັນຕິພາບ, ເອກະລາດແຫ່ງຊາດ, ປະຊາທິປະໄຕ, ຄວາມກ້າວໜ້າສັງຄົມຂອງປະຊາຊົນໂລກ“.
ກ່ອນພິທີສະເຫຼີມສະຫຼອງ, ທ່ານ ເຈິ່ນດ້າຍກວາງ, ປະທານປະເທດ ພ້ອມກັບບັນດາຜູ້ແທນຂັ້ນສູນກາງ, ແລະແຂວງ ດ້ຽນບຽນ ໄດ້ວາງພວງມາລາ, ຖະຫວານທູບທຽນຢູ່ສຸສານນັກຮົບເສຍສະຫຼະຊີວິດເພື່ອຊາດ A1, ອາໄລຫາບັນດາວິລະຊົນທີ່ໄດ້ເສຍສະຫລະຊີວິດເພື່ອເອກະລາດ, ເສລີພາບຂອງປະເທດຊາດ, ເພື່ອຄວາມຜາສຸກຂອງປະຊາຊົນ.