ສາກົນຕີລາຄາສູງບັນດາຜົນງານຂອງຫວຽດນາມກ່ຽວກັບການຮັບປະກັນສິດທິມະນຸດ
|
(vovworld)- ພາຍຫລັງເຮັດວຽກມາເປັນເວລາ 3 ອາທິດ, ວັນທີ 27/6, ສະພາສິດທິມະນຸດ ສປຊ ໄດ້ອັດສະໄຫມປະຊຸມນັດສາມັນຄັ້ງທີ 26 ຢູ່ ເຊີແນວ ປະເທດ ສະວິດ. ທີ່ສະໄຫມປະຊຸມຄັ້ງນີ້, ສະພາສິດທິມະນຸດ ສປຊ ໄດ້ຮັບຮອງເອົາ ມະຕິ 31 ສະບັບ, ຂໍ້ຕົກລົງ 2 ສະບັບ ແລະ ອອກຖະແຫລງການຂອງປະທານ. ເມື່ອເຂົ້າຮ່ວມວາລະປະຊຸມວິສາມັນ ຂອງ ສະພາສິດທິມະນຸດ ດ້ວຍຖານະເປັນສະມາຊິກ, ຄະນະຜູ້ແທນຫວຽດນາມ ໂດຍທ່ານ ຫງວຽນຈູງແທ່ງ, ເອກອັກຄະລັດຖະທູດ, ຫົວຫນ້າຄະນະຜູ້ຕາງຫນ້າຫວຽດນາມ ປະຈຳ ເຊີແນວ ໄດ້ປະກອບຄຳເຫັນຢ່າງຕັ້ງຫນ້າໃສ່ບັນດາເນື້ອໃນປືກສາຫາລື, ຜ່ານນັ້ນ ສືບຕໍ່ຢືນຢັນກັບປະຊາຄົມໂລກ ຄວາມຕັດສິນໃຈປົກປ້ອງ ແລະ ຊຸກຍູ້ສິດທິມະນຸດຂອງລັດຖະບານຫວຽດນາມ. ທີ່ສະໄຫມປະຊຸມຄັ້ງນີ້, ສະພາສິດທິມະນຸດ ກໍໄດ້ພິຈາລະນາ ແລະ ຮັບຮອງເອົາບົດລາຍງານກ່ຽວກັບໝາກຜົນການທົບທວນປະຈຳໄລຍະດ້ານສິດທິມະນຸດຂອງ 14 ປະເທດ, ໃນນັ້ນ ມີຫວຽດນາມ. ຜູ້ຕາງຫນ້າຫລາຍປະເທດ ແລະ ອົງການຈັດຕັ້ງສາກົນ ໄດ້ຕີລາຄາສູງບັນດາຄວາມມານະພະຍາຍາມ ແລະ ຜົນງານຂອງຫວຽດນາມ ກ່ຽວກັບການຮັບປະກັນສິດທິມະນຸດ, ຊົມເຊີຍຫວຽດນາມ ຮັບຮູ້ຂໍ້ສະເຫນີແນະເກືອບທັງໝົດ ແລະ ມີທ່າທີຮ່ວມມື,ສ້າງສັນໃນວິວັດການ ທົບທວນປະຈຳໄລຍະດ້ານສິດທິມະນຸດ UPR ເວົ້າສະເພາະ ແລະ ຮັບປະກັນສິດທິມະນຸດຢູ່ຫວຽດນາມ ເວົ້າລວມ.