ສ້າງກົດໝາຍວ່າດ້ວຍສື່ມວນຊົນຕ້ອງປະຕິບັດຕາມລັດຖະທຳມະນູນ 2013
ທ່ານຮອງຜູ້ອຳນວຍການໃຫຍ່ VOV ຫວູຫາຍ
(ພາບປະກອບ)
(vovworld) – ສ້າງກົດໝາຍວ່າດ້ວຍສື່ມວນຊົນຕ້ອງປະຕິບັດຕາມລັດຖະທຳມະນູນ 2013, ນີ້ແມ່ນຄຳເຫັນຂອງຜູ້ແທນສ່ວນຫຼາຍ ທີ່ກອງປະຊຸມສຳມະນາປະກອບຄຳເຫັນສ້າງກົດໝາຍວ່າດ້ວຍສື່ມວນຊົນສະບັບໃໝ່ ໂດຍກະຊວງຖະແຫຼງຂ່າວ ແລະ ສື່ສານ ຈັດຂຶ້ນໃນຕອນເຊົ້າວັນທີ 21/05, ຢູ່ຮ່າໂນ້ຍ. ກອງປະຊຸມສຳມະນາເພື່ອແນໃສ່ຍົກສູງຄຸນນະພາບການເຄື່ອນໄຫວຂອງສື່ມວນຊົນ ແລະ ວຽກງານຄຸ້ມຄອງລັດກ່ຽວກັບຂົງເຂດສ່ືມວນຊົນ, ກະກຽມຍື່ນສະເໜີຕໍ່ລັດຖະບານໃນເດືອນ 10/2015. ບັນດາຜູ້ແທນກໍ່ຖືວ່າ, ເລື່ອງສ້າງກົດໝາຍວ່າດ້ວຍສື່ມວນຊົນສະບັບໃໝ່ ຕ້ອງແກ້ໄຂບັນດາຂໍ້ຕິດຂັດ, ສິ່ງບໍ່ທັນສ້າງສຳເລັດ, ຮັບປະກັນລັກສະນະປອດໄສ ແລະ ຖືກກັບທິດກຳນົດ.
ທີ່ກອງປະຊຸມສຳມະນາ, ທ່ານຮອງຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ຫວູຫາຍ ໄດ້ປະກອບຄຳເຫັນກ່ຽວກັບບັນຫາກະຊວງຄຸ້ມຄອງ ແລະ ຖືວ່າ, ລັດຖະບານຄວນກຳນົດກ່ຽວກັບກະຊວງຄຸ້ມຄອງ ໃນກົດໝາຍວ່າດ້ວຍສື່ມວນຊົນສະບັບໃໝ່. ປະກອບຄຳເຫັນກ່ຽວກັບກົດໝາຍວ່າດ້ວຍສື່ມວນຊົນເວົ້າລວມ. ທ່ານຮອງຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ຫວູຫາຍ ຊີ້ແຈ້ງວ່າ.
“ສື່ມວນຊົນຫວຽດນາມ ກໍ່ຄືໃນທົ່ວໂລກ ໄດ້ຮັບການພັດທະນາຢ່າງແຮງ, ດ້ວຍຫຼາຍຮູບການສື່ມວນຊົນ. ຂ້າພະເຈົ້າຖືວ່າ ຄວນມີກົດໝາຍວ່າດ້ວຍສື່ມວນຊົນສະບັບໃໝ່, ຫຼື ກົດໝາຍວ່າດ້ວຍສື່ມວນຊົນ (ສະບັບປັບປຸງ), ກົດໝາຍວ່າດ້ວຍສ່ືມວນຊົນສະບັບໃໝ່ປີ 2016, ອີງໃສ່ຄະນະຮຽບຮຽງ, ອີງໃສ່ສະພາແຫ່ງຊາດເພື່ອໃຫ້ມີຊື່ຢ່າງຈະແຈ້ງ ໃຫ້ກົດໝາຍວ່າດ້ວຍສື່ມວນຊົນສະບັບໃໝ່, ເພື່ອຄຸ້ມຄອງສື່ມວນຊົນໃຫ້ດີກວ່າ, ເພື່ອສ້າງເງື່ອນໄຂໃຫ້ບັນດານັກຂ່າວ, ອົງການສື່ມວນຊົນເສີມຂະຫຍາຍຄວາມສາມາດ, ໜ້າທີ່ທັງໝົດເຊິ່ງພັກ, ປະຊາຊົນໄດ້ມອບໝາຍໃຫ້”.