ທ່ານປະທານປະເທດ ຫວຽດນາມ ເຈືອງເຕີນຊາງ
ພາບ: internet
|
(vovworld) - ວັນທີ 10/12, ຄະນະຊີ້ນຳການປະຕິຮູບຕຸລາການສູນກາງ ໄດ້ຈັດຕັ້ງວາລະປະຊຸມຄັ້ງທີ 8 ກ່ຽວກັບການຮັບເອົາຄຳເຫັນເພື່ອລາຍງານກົມການເມືອງກ່ຽວກັບແຜນຮ່າງຈັດຕັ້ງສານປະຊາຊົນຂັ້ນຕົ້ນໃນເຂດ ແລະ ໄອຍະການປະຊາຊົນຂັ້ນຕົ້ນໃນເຂດ. ກ່າວຄຳເຫັນຊີ້ນຳວາລະປະຊຸມ, ທ່ານປະທານປະເທດ ຫວຽດນາມ ເຈືອງເຕີນຊາງ, ຫົວຫນ້າຄະນະຊີ້ນຳການປະຕິຮູບຕຸລາການສູນກາງ ໄດ້ຕີລາຄາສູງຄວາມມານະພະຍາຍາມໃນການກະກຽມຢ່າງລອບຄອບຖິ່ຖ້ວນຂອງຄະນະຮຽບຮຽງໃນວິວັດທະນາການສ້າງບົດລາຍງານ ຜ່ານນັ້ນ ສະແດງໃຫ້ເຫັນຄວາມເຫັນດີເຫັນພ້ອມຂອງຄະນະຊີ້ນຳ, ຜູ້ຕາງຫນ້າບັນດາຂະແຫນງການຈາກສູນກາງຕະຫລອດຮອດທ້ອງຖິ່ນໃນການຍົກສູງບົດບາດ, ທີ່ຕັ້ງຂອງສານປະຊາຊົນຂັ້ນຕົ້ນ, ຮັບປະກັນຫລັກການເອກະລາດຢ່າງພາວະວິໄສ ແລະ ເຄົາລົບຕາມກົດໝາຍໃນການເຄື່ອນໄຫວດຳເນີນຄະດີຂອງບັນດາອົງການຕຸລາການ. ທ່ານປະທານປະເທດ ເຈືອງເຕີນຊາງຊີ້ແຈງວ່າ: ບັນດາຜູ້ແທນຄວນສືບຕໍ່ເສີມຂະຫຍາຍຈິດໃຈປະຊາທິປະໄຕ ເປີດເຜີຍ, ສຸມພູມປັນຍາ, ເຂົ້າຮ່ວມປະກອບຄຳເຫັນເພື່ອສ້າງແຜນຮ່າງໃຫ້ສຳເລັດໂດຍໄວເພື່ອຍ່ືນສະເຫນີຕໍ່ກົມການເມືອງພິຈາລະນາ ແລະ ຕົກລົງ.