ນັກທ່ອງທ່ຽວຕ່າງປະເທດຢ້ຽມຢາມນະຄອນຫລວງຮ່າໂນ້ຍ
ພາບ:internet
|
(vovworld)- ຕອນເຊົ້າວັນທີ 29/5, ນະຄອນຮ່າໂນ້ຍໄດ້ຈັດກອງປະຊຸມສະຫລຸບ 15 ປີແຫ່ງການປະຕິບັດມະຕິສູນກາງພັກຄັ້ງທີ 5 ຊຸດທີ 13 ກ່ຽວກັບການກໍ່ສ້າງ ແລະ ພັດທະນາພື້ນຖານວັດທະນະທຳ ຫວຽດນາມ ທີ່ເຂັ້ມຂົ້ນໄປດ້ວຍສີສັນຊາດ. ໃນ 15 ປີຜ່ານມາ, ທຸກຂັ້ນ, ຂະແຫນງການຂອງນະຄອນຫລວງ ຮ່າໂນ້ຍ ໄດ້ຊາບຊືມມະຕິສູນກາງພັກຄັ້ງທີ 5 ຊຸດທີ 13 ຢ່າງເຂັ້ມງວດ, ເລິກເຊິ່ງກວ້າງຂວາງ. ຮ່າໂນ້ຍແມ່ນທ້ອງຖິ່ນນຳຫນ້າທົ່ວປະເທດໃນການປຸກລະດົມຂະບວນການ“ທົ່ວປວງຊົນສາມັກຄີສ້າງຊີວິດວັດທະນະທຳ. ຄຽງຄູ່ກັນນັ້ນ ມີຫລາຍຂະບວນການໄດ້ຮັບການປຸກລະດົມ, ຜ່ານນັ້ນເຮັດໃຫ້ຊີວິດທາງດ້ານວັດທະນະທຳ, ຈິດໃຈຂອງປະຊາຊົນນະຄອນຫລວງນັບມື້ນັບໄດ້ຮັບການປົວແປງ ແລະ ຍົກສູງຂຶ້ນ. ຮອດປີ 2015, ນະຄອນຮ່າໂນ້ຍສູ້ຊົນມີ 85% ຈຳນວນຄອບຄົວໄດ້ຮັບນາມມະຍົດຄອບຄົວວັດທະນະທຳ, 60% ຫົວຫນ່ວຍຮັບນາມມະຍົດຫົວຫນ່ວຍວັດທະນະທຳ ແລະ 55% ບ້ານໄດ້ຮັບນາມມະຍົດແມ່ນໝູ່ບ້ານວັດທະນະທຳ. ທ່ານ ໂຮ່ກວາງເລີ້ຍ, ຫົວຫນ້າຄະນະໂຄສະນາສຶກສາ ຄະນະພັກນະຄອນຮ່າໂນ້ຍ ຊີ້ແຈງວ່າ:
“ນະຄອນຮ່າໂນ້ຍສືບຕໍ່ສ້າງວັດທະນະທຳຮ່າໂນ້ຍ ໃຫ້ສົມກັບບົດບາດທີ່ຕັ້ງແມ່ນນະຄອນຫລວງຂອງທັງປະເທດ, ສູນວັດທະນະທຳຊັ້ນນຳຂອງພາກພື້ນ. ສຸມໃສ່ເຂົ້າໃນວຽກງານສ້າງຄວາມສີວິໄລ ແລະ ສະພາບແວດລ້ອມວັດທະນະທຳນະຄອນຫລວງທີ່ອຸດົມສົມບູນ, ປອດໃສ. ”