(vovworld) - ໃນການຢ້ຽມຢາມສັນຖະວະໄມຕີ ກູບາ ຢ່າງເປັນທາງການຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong, ຕາມຄຳເຊື້ອເຊີນຂອງທ່ານພົນເອກ Raul Castro Ruz, ເລຂາທີໜຶ່ງຄະນະບໍລິຫານງານສູນກາງພັກ ກູບາ, ປະທານສະພາແຫ່ງລັດ ແລະ ສະພາລັດຖະມົນຕີ ສ ກູບາ, ເຊິ່ງດຳເນີນໄປໃນລະຫວ່າງວັນທີ 8 – 12/4. ການນຳ 2 ພັກ,2 ລັດໄດ້ອອກຖະແຫຼງການຮ່ວມຫວຽດນາມ - ກູບາ, ຢືນຢັນສືບຕໍ່ປັບປຸງການພົວພັນດ້ານການເມືອງ, ເພີ່ມທະວີການແລກປ່ຽນບົດຮຽນຕົວຈິງ ແລະ ທິດສະດີ ກ່ຽວກັບບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ, ຖືການຢ້ຽມຢາມຄັ້ງນີ້ແມ່ນເຫດການມີຄວາມໝາຍສຳຄັນຍິ່ງ, ຊຸກຍູ້ການພົວພັນຮ່ວມມືລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດ. ເມື່ອສິ້ນສຸດການຢ້ຽມຢາມ ກູບາ, ທ່ານເລຂາທິການໃຫຍ່ Nguyen Phu Trong ໄດ້ມີສົ່ງສານຂອບໃຈເຖິງທ່ານພົນເອກ Raul Castro Ruz, ເລຂາທີ່ໜຶ່ງຄະນະບໍລິຫານງານສູນກາງພັກກອມມູນິດກູບາ. ໃນສານສະບັບດັ່ງກ່າວມີຕອນຂຽນວ່າ: ພວກຂ້າພະເຈົ້າເຊື່ອໝັ້ນຢ່າງແນ່ວແນ່ວ່າ, ໝາກຜົນຂອງການຢ້ຽມຢາມຄັ້ງນີ້ຈະປະກອບສ່ວນສຳຄັນເຂົ້າໃນການເພີ່ມພຸມຄຸນສ້າງສາຍພົວພັນສາມັກຄີ - ມິດຕະພາບ, ບໍລິສຸດຜຸດຜ່ອງ, ໄວ້ເນື້ອເຊື່ອໃຈເຊິ່ງກັນ ແລະ ກັນ, ການຮ່ວມມືຮອບດ້ານລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດຫວຽດນາມ - ກູບາ ພັດທະນາຢ່າງບໍ່ຢຸດຢັ້ງ ແລະ ນັບມື້ນັບແຕກດອກອອກຜົນ. ອວຍພອນໃຫ້ການພົວພັນຖານສະຫາຍ, ອ້າຍນ້ອງລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດຫວຽດນາມ - ກູບາ ສວຍສົດງົດງາມ ແລະ ໝັ້ນຄົງທະນົງແກ່ນຕະຫຼອດໄປ.
ກ່ອນໜ້ານັ້ນ, ໃນການຢ້ຽມຢາມສັນຕິວິໄມຕີສ.ກູຍບາ, ຕອນບ່າຍວັນທີ 11/4, ທ່ານເລຂາທິການໃຫຍ່ Nguyen Phu Trong ໄດ້ໄປຢ້ຽມຢາມຜູ້ນຳຂອງການປະຕິວັດ ແລະ ປະຊາຊົນກູຍບາ ທ່ານ Phidel Castro. ທ່ານເລຂາທິການໃຫຍ່ Nguyen Phu Trong ໄດ້ສະແດງສະເທືອນໃຈເມື່ອໄດ້ພົບປະກັບທ່ານ Phidel Castro ແລະ ສະແດງຄວາມມ່ວນຊື່ນເມື່ອເຫັນວ່າທ່ານຍັງມີສຸຂະພາບແຂງແຮງຢູ່. ທ່ານເລຂາທິການໃຫຍ່ Nguyen Phu Trong ໄດ້ຢືນຢັນວ່າ ໃນດວງໃຈຂອງຊາວຫວຽດນາມ ແຕ່ລະຄົນ, ຍາມໃດຮູບພາບຂອງທ່ານ Phidel ກໍແມ່ນສັນຍາລັກອັນສູງສົ່ງ ແລະ ສວຍງາມຂອງນັກຮົມປະຕິວັດທີ່ອົງອາດກ້າແກ່ນຜູ້ໜື່ງທີ່ໄດ້, ຕໍ່ສູ້ຍາດເອົາເອກະລາດ, ຄວາມເສລີພາບ ບໍ່ພຽງແຕ່ຂອງປະຊາຊົນກູຍບາ ເທົ່ານັ້ນ, ຫາກຍັງຂອງບັນດາປະເທດທີ່ຖືກກົດຂີ່ຂູດຮີດຢູ່ໃນໂລກ, ເປັນເພື່ອນມິດທີ່ຍິງໃຫຍ່ຫຼວງ, ເປັນອ້າຍນ້ອງຂອງປະຊາຊົນຫວຍຽດນາມ ອີກດ້ວຍ. ທ່ານເລຂາທິການໃຫຍ່ໄດ້ຢືນຢັນວ່າ, ພັກ, ລັດ ແລະ ປະຊາຊົນຫວຽດນາມ ໝັ້ນໝາຍວ່າ ຈະເຮັດຈົນສຸດຄວາມສາມາດຂອງຕົນພ້ອມກັບພັກ, ລັດ ແລະ ປະຊາຊົນກູຍບາ ອ້າຍນ້ອງ ນຳສາຍພົວພັນສາມັກຄີມິດຕະພາບ, ສັດຊື່, ບໍລິສຸດ, ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, ປັບປຸງ ແລະ ພັດທະນາການຮ່ວມມືຢ່າງຮອບດ້ານລະຫວ່າງຫວຽນາມ - ກູຍບາ ຢ່າງບໍ່ຢຸດຢັ້ງ.
ທ່ານ Phidel Castro ໄດ້ສະແດງຄວາບຂອບອົກຂອບໃຈຕໍ່ປະຊາຊົນຫວຽດນາມ ທີ່ໄດ້ການສະໜັບສະໜູນ, ສາມັກຄີ ແລະ ຮ່ວມມືກັບປະຊາຊົນກູຍບາ. ທ່ານເລຂາທິການໃຫຍ່ Nguyen Phu Trong ແລະ ທ່ານ Phidel ພ້ອມກັນເນັ້ນໜັກເຖິງເລື່ອງເພີ່ມທະວີການສຶກສາລຸ້ນໜຸ່ມຂອງສອງປະເທດກ່ຽວກັບມູນເຊື້ອປະຕິວັດ, ຮັກສາ ແລະ ເສີມຂະຫຍາຍສາຍພົວພັນມິດຕະພາບ, ຄວາມສາມັກຄີ, ບໍລິສຸດຜຸດຜ່ອງລະຫວ່າງຫວຽດນາມ ແລະ ກູຍບາ.