(ລາຍການສະແດງສິລະປະຂຳ່ນັບຊົມເຊີຍພັກ,
ຊົມເຊີຍລະດູບານໃໝ່ປີມະແມ 2015)
(vovworld) - ຕອນຄຳ່ວັນທີ 1/2, ຢູ່ສະຖານທູດຫວຽດນາມທີ່ນະຄອນຫຼວງວຽງຈັນ, ຄະນະກຳມະການກ່ຽວກັບຊາວຫວຽດນາມ ຢູ່ຕ່າງປະເທດ ໄດ້ສົມທົບກັບສະຖານທູດຫວຽດນາມ ປະຈຳລາວ ຈັດຕັ້ງລາຍການສະແດງສິລະປະຂຳ່ນັບຊົມເຊີຍພັກ, ຊົມເຊີຍລະດູບານໃໝ່ປີມະແມ 2015. ດ້ວຍຫົວຂໍ້ວ່າ “ສຽງເພງກ່ຽວກັບບ້ານເກີດເມືອງນອນ“.
ເຂົ້າຮ່ວມພິທີມີທ່ານເລກວົກທິ້ງ, ຮອງຫົວໜ້າຄະນະກຳມະການກ່ຽວກັບຊາວຫວຽດນາມ ຢູ່ຕ່າງປະເທດ, ທ່ານເອກອັກຄະລັດຖະທູດຫວຽດນາມ ປະຈຳລາວ ຫງວຽນແມ້ງຮຸ່ງ, ຜູ້ຕາງໜ້າບັນດາອົງການກ່ຽວຂ້ອງ ແລະ ຊາວຫວຽດນາມ ອາໄສຢູ່ລາວ ເປັນຈຳນວນຫຼວງຫຼາຍ.
ບັນດານັກສິລະປິນໂຮງລະຄອນຕວຍແຈ (ໄວໜຸ່ມ)ໄດ້ສ້າງບັນຍາກາດເຕັມໄປດ້ວຍສີສັນລະດູບານໃໝ່ ຜ່ານທຳນອງເພງ, ວາດຟ້ອນ ທີ່ຍ້ອງຍໍສັນລະເສີນບ້ານເກີດເມືອງນອນ, ຍ້ອງຍໍຊົມເຊີຍພັກ, ລະດູບານໃໝ່ ແລະ ນຳ້ໃຈມິດຕະພາບຫວຽດນາມ - ລາວ. ນັກສິນລະປິນ ຮ່ວາຍເຟືອງ ແບ່ງປັນວ່າ, ເອື້ອຍໄດ້ໄປສະແດງຮັບໃຊ້ຊາວຫວຽດນາມ ອາໄສຢູ່ຫຼາຍປະເທດ ຫຼາຍຄັ້ງແລ້ວ, ແຕ່ເມື່ອສະແດງຢູ່ລາວ ເອື້ອຍຮູ້ສຶກຄືວ່າພວມສະແດງຢູ່ຫວຽດນາມແທ້ໆ.
“ພໍ່ແມ່ປະຊາຊົນພວກເຮົາຢູ່ບ່ອນໃດກໍ່ມີຄວາມຮັກຕໍ່ບ້ານເກີດເມືອງນອນ, ຍາມໃດກໍ່ອ່ວາຍເມືອຫາປະເທດ. ພວກຂ້າພະເຈົ້າຮູ້ສຶກຕື້ນຕັນໃຈທີ່ສຸດຕໍ່ອາລົມຈິດທີ່ພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດສະຫງວນໃຫ້ພວກຂ້າພະເຈົ້າ. ພວກຂ້າພະເຈົ້າໄດ້ຮັບການຕ້ອນຮັບຢ່າງອົບອຸ່ນສຸດຈິດສຸດໃຈ, ປະເທດລາວສວຍງາມ, ປະຊາຊົນມີຄວາມຈິງໃຈ ແລະ ເປັນຕາຮັກ.ເມື່ອໄປສະແດງຢູ່ລາວ, ພວກຂ້າພະເຈົ້າຕ່າງກໍ່ຮູ້ສຶກວ່າມີຄວາມໃກ້ຊິດຕິດແທດ ຄືໄດ້ກັບເມືອບ້ານຂອງຕົນ“.
ສ່ວນທ່ານ ບົວເງິນ ຊາພູວົງ, ລັດຖະມົນຕີຊ່ວຍວ່າການກະຊວງຖະແຫຼງຂ່າວ - ວັດທະນະທຳ ແລະ ທ່ອງທ່ຽວລາວ ໃຫ້ຮູ້ວ່າ, ບັນດານັກສິລະປິນຫວຽດນາມ ຂັບຮ້ອງມ່ວນຫຼາຍ, ບັນດາບົດເພງກ່ຽວກັບນຳ້ໃຈມິດຕະພາບຫວຽດນາມ - ລາວ, ເຂົາເຈົ້າຂັບຮ້ອງເປັນພາສາລາວແຈ້ງດີ, ຊັດເຈນ ແລະ ອອນຊ້ອນທີ່ສຸດ:
(ທ່ານ ບົວເງິນ ຊາພູວົງ)