ພິທີລະນຶກ 25 ປີແຫ່ງວັນເຊັນ ອະນຸສັນຍາ Montreal
ພາບ: internet |
(vovworld) - ວັນທີ 15/9 ຢູ່ ນະຄອນ ໂຮ່ຈິມິນ, ກົມອຸຕຸນິຍົມອຸທົກກະສາດ ແລະ ການປ່ຽນແປງຂອງດິນຟ້າອາກາດ, ກະຊວງຊັບພະຍາກອນ ແລະ ສິ່ງແວດລ້ອມ ຈັດຕັ້ງພິທີລະນຶກ 25 ປີແຫ່ງວັນເຊັນອະນຸສັນຍາ Montreal ກ່ຽວກັບສານປະເພດຕ່າງໆເຮັດໃຫ້ຊັ້ນ ozon ຊຸດໂຊມ (1987 - 2012) ແລະ ວັນສາກົນປົກປັກຮັກສາຊັ້ນ ozon ຄືວັນທີ 16/9/2012 ພາຍໃຕ້ຫົວຂໍ້ວ່າ “ປົກປັກຮັກສາຊັ້ນບັນຍາກາດໃຫ້ແກ່ຄົນລຸ້ນຫລັງ”. ນະພິທີ, ທ່ານ Nguyen Khac Hieu ຮອງຫົວຫນ້າ ກົມອຸຕຸນິຍົມອຸທົກກະສາດ ແລະ ການປ່ຽນແປງຂອງດິນຟ້າອາກາດ ໃຫ້ຮູ້ວ່າ: ຫວຽດນາມ ເຂົ້າຮ່ວມອະນຸສັນຍາ Montreal ແຕ່ເດືອນ 1/1994 ດ້ວຍຄວາມມານະພະຍາຍາມ ແລະ ການຮ່ວມມືຈາກບັນດາກະຊວງ, ຂະແຫນງການກ່ຽວຂ້ອງ, ບັນດາວິສາຫະກິດນຳໃຊ້ສານປະເພດຕ່າງໆເຮັດໃຫ້ຊັ້ນ ozon ຊຸດໂຊມ. ຫວຽດນາມ ໄດ້ຮັບການຕີລາຄາຈາກໂຄງການສິ່ງແວດລ້ອມຂອງ ສປຊ ວ່າ ໄດ້ມີການປະກອບສ່ວນຢ່າງຕັ້ງຫນ້າໃນການປະຕິບັດອະນຸສັນຍາ Montreal. ທ່ານ Nguyen Khac Hieu ໃຫ້ຮູ້ວ່າ:
“ດ້ວຍການຫນູນຊ່ວຍຂອງກອງທຶນຫລາຍຝ່າຍ, ແຫລ່ງເງິນ ແລະ ເຕັກໂນໂລຊີປະຈຸບັນເກືອບຄືວ່າໄດ້ຮັບຮູ້ແລ້ວ. ແຕ່ຄວາມຫຍຸ້ງຍາກນັ້ນແມ່ນ ບັນດາວິສາຫະກິດຕ້ອງກຳນົດເວລາເມື່ອນຳເຕັກໂນໂລຊີເຂົ້າເຄື່ອນໄຫວ ຕອ້ງຢຸດຕິກຳນຜະລິດໃນໄລຍະຫນຶ່ງ, ອາດຈະສົ່ງຜົນສະທ້ອນເຖິງການຜະລິດດຳເນີນທຸລະກິດ.”