(vovworld) - ຕອນເຊົ້າວັນທີ 28/9, ຢູ່ຮ່າໂນ້ຍ, ສູນກາງສະມາຄົມຊາວນາຫວຽດນາມ ສົມທົບກັບກອງທຶນຈຳນວນປະຊາກອນ ສປຊ (UNFA) ຈັດຕັ້ງງານໂຮມຊຸມນຸມ“ຮ່ວມແຮງຮ່ວມໃຈແກ້ໄຂສະພາບຂາດຄວາມດຸນດຽງລະຫວ່າງຍິງ - ຊາຍເມື່ອເກີດລູກ“. ທ່ານຮອງນາຍົກລັດຖະມົນຕີ ຫວູດຶກດາມ ໄດ້ເຂົ້າຮ່ວມພິທີດັ່ງກ່າວ.
ຕາມທ່ານ Arthur Erken, ຫົວໜ້າ ກອງທຶນຈຳນວນປະຊາກອນ ສປຊ ປະຈຳຫວຽດນາມ ແລ້ວ, ປະຈຸບັນຢູ່ອາຊີພວມຂາດເດັກຍິງ 117 ລ້ານຄົນ, ນີ້ແມ່ນຜົນສະທ້ອນຈາກການຈຳແນກການປະພືດລະຫວ່າງຍິງ - ຊາຍ. ຖ້າຫາກສະພາບການນີ້ເກີດຂຶ້ນໃນໄລຍະຍາວມັນຈະເປັນຜົນສະທ້ອນຮ້າຍແຮງທີ່ສຸດ. ດັ່ງນັ້ນຕ້ອງແກ້ໄຂບັນຫານີ້ຍິ່ງໄວກໍຍິ່ງດີ.
ທ່ານຫງວຽນກວົກເກື່ອງ, ປະທານສະມາຄົມຊາວນາຫວຽດນາມໃຫ້ຮູ້ວ່າ, ການແກ້ໄຂສະພາບຂາດຄວາມດຸນດຽງລະຫວ່າງຍິງ - ຊາຍເມື່ອເກີດລູກແມ່ນມີຄວາມໝາຍສຳຄັນທີ່ສຸດ:
“ດ້ວຍບົດບາດແມ່ນອົງການການເມືອງ, ສັງຄົມຂອງຊາວກະສີກອນ. ສະມາຄົມຊາວກະສີກອນຫວຽດນາມ, ສະຫະພັນແມ່ຍິງຫວຽດນາມໃຫ້ຄຳໝັ້ນສັນຍາສືບຕໍ່ຍູ້ແຮງການໂຄສະນາ, ສຶກສາ, ຂົນຂວາຍພະນັກງານ, ສະມາຊິກສະຫະພັນຍົກສູງຄວາມຮູ້ ແລະ ຄວາມສຳຄັນຂອງບັນຫາຂາດຄວາມດຸນດຽງລະຫວ່າງຍິງຊາຍສຳລັບຄວາມສຸກໃນຄອບຄົວ, ອະນາຄົດຂອງລູກຫຼານ ແລະ ສຳລັບພາລະກິດພັດທະນາປະເທດຊາດ, ຈາກນັ້ນປະກອບສ່ວນປະຕິບັດຄວາມສະເໝີພາບລະຫວ່າງຍິງ ຊາຍ ແລະ ແກ້ໄຂ ສະພາບຂາດຄວາມດຸນດຽງລະຫວ່າງຍິງ - ຊາຍເມື່ອເກີດລູເທື່ອລະກ້າວ “.