( vovworld ) - ວັນທີ 21/5, ຄະນະກຳມະການເສດຖະກິດສັງຄົມພາກພື້ນມອາຊີ - ປາຊີຟິກ ຂອງສະຫະປະຊາຊາດ ( UNESCAP ) ໄດ້ເປີດວາລະປຶກສາຫາລືຂັ້ນລັດຖະມົນຕີເຊິ່ງແກ່ຍາວໃນເວລາ 3 ວັນ ໃນຂອບເຂດກອງປະຊຸມປະຈຳປີຄັ້ງທີ 68 ຢູ່ນະຄອນຫຼວງບາງກອກ, ປະເທດໄທ. ຄະນະຜູ້ແທນຫວຽດນາມ ໂດຍທ່ານຮອງລັດຖະມົນຕີການຕ່າງປະເທດ Le Luong Minh ນຳໜ້າ, ໄດ້ເຂົ້າຮ່ວມວາລະປະຊຸມ.
ກ່າວຄຳເຫັນທີ່ບັນດາວາລະປຶກສາຫາລື, ທ່ານຮອງລັດຖະມົນຕີການຕ່າງປະເທດ Le Luong Minh ໄດ້ຢືນຢັນວ່າ ເພື່ອຮັກສາຄວາມຂະຫຍັນຂັນເຄື່ອນ ແລະ ລະດັບເຕີບໂຕໃນສະພາບເສດຖະກິດໂລກມີການຜັນແປ່ຢ່າງສັບສົນຄືປະຈຸບັນ, ບັນດາປະເທດອາຊີ - ປາຊີຟິກ ຄວນເພີ່ມທະວີກົນໄກທາບທາມ ແລະ ສົມທົບນະໂຍບາຍເສດຖະກິດມະຫາພາກ, ໂດຍສະເພາະແມ່ນນະໂຍບາຍການຄ້າ, ເພື່ອສະກັດກັ້ນຄວາມຂາດຄວາມສະຫງົບໝັ້ນທຽງດ້ານການເງິນ ແລະ ເງິນຕາ. ທ່ານຮອງລັດຖະມົນຕີການຕ່າງປະເທດ Le Luong Minh ໄດ້ຊີ້ແຈ້ງບັນດາຄວາມມານະພະຍາຍາມຂອງລັດຖະບານຫວຽດນາມ ໃນການພັດທະນາເສດຖະກິດສັງຄົມ, ຮັກສາພື້ນຖານເສດຖະກິດມະຫາພາກເປັນປົກກະຕິ, ຄວບຄຸມໄພເງິນເຟີ້ ແລະ ຮັກສາລະດັບເຕີບໂຕ. ນອກຈາກນັ້ນແລ້ວ, ຫວຽດນາມ ກໍພວມມານະພະຍາຍາມຜັນຂະຫຍາຍບັນດາເປົ້າໝາຍພັດທະນາສະຫັດສະວັດ ( MDG ) ແລະ ຈະສຳເລັດບັນດາເປົ້າໝາຍດັ່ງກ່າວໃຫ້ຖືກຕາມກຳນົດເວລາແມ່ນໃນປີ 2015. ໂດຍຮັບຮູ້ບັນດາການປະກອບສ່ວນຂອງຫວຽດນາມ, ບັນດາປະເທດເຂົ້າຮ່ວມກອງປະຊຸມໄດ້ເປັນເອກະພາບນຳກັນແຕ່ງຕັ້ງຫວຽດນາມ ສືບຕໍ່ແມ່ນສະມາຊິກສູນກົນຈັກ ແລະ ເຄື່ອງຈັກຮັບໃຊ້ກະສິກຳ ( APCACEM ) ຂອງ UNESCAP ດ້ວຍບັດສະໜັບສະໜູນຫຼາຍ.