ວັນທີ 27 ທັນວາ, ຄະນະກຳມະການສົ່ງເສີມການຄ້າ ຈີນ (CCPIT) ໄດ້ປະກາດ “ບົດລາຍງານສະພາບແວດລ້ອມດຳເນີນທຸລະກິດ ອາຊຽນ 2023”. ຕາມນັ້ນແລ້ວ, ຫວຽດນາມ ພ້ອມກັບ ສິງກະໂປ, ໄທ, ມາເລເຊຍ ແລະ ອິນໂດເນເຊຍ ໄດ້ຕີລາຄາວ່າ ແມ່ນບັນດາປະເທດທີ່ມີສະພາບແວດລ້ອມດຳເນີນທຸລະກິດດີກວ່າໝູ່. ເກືອບ 71% ບໍລິສັດ ຈີນ ມີແຜນການເປີດກວ້າງການເຄື່ອນໄຫວຢູ່ ອາຊຽນ.

        ບົດລາຍງານໄດ້ຊີ້ໃຫ້ເຫັນວ່າ, ປີ 2023, ສະພາບແວດລ້ອມສັງລວມຂອງ ອາຊຽນ ເປັນປົກກະຕິ ແລະ ໄດ້ຮັບການປົວແປງ, ບັນດາບໍລິສັດຈີນ ປາດຖະໜາວ່າ ບັນດາປະເທດ ອາຊຽນ ຈະສືບຕໍ່ປົວແປງສະພາບແວດລ້ອມດຳເນີນທຸລະກິດ; ເພີ່ມທະວີຄວາມມານະພະຍາຍາມປະຕິບັດສົນທິສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ດ້ວຍຄຸນນະພາບສູງ, ຍົກສູງລັກສະນະສະຖຽນລະພາບ ແລະ ຍຸຕິທຳຂອງນະໂຍບາຍລົງທຶນຕ່າງປະເທດໃຫ້ສູງກວ່າອີກ, ກໍຄືເພີ່ມທະວີການສ້າງພື້ນຖານໂຄງລ່າງຢ່າງບໍ່ຢຸດຢັ້ງ ຄື logistics, ເຕັກນິກດີຈີຕອນ, ພະລັງງານ ແລະ ພະລັງງານໄຟຟ້າ  ເພື່ອຊຸກຍູ້ການພັດທະນາເສດຖະກິດສີຂຽວ. ໃນຊຸມປີມໍ່ໆມານີ້, ການແລກປ່ຽນເສດຖະກິດ, ການຄ້າ ລະຫວ່າງ ຈີນ ແລະ ອາຊຽນ ນັບມື້ນັບແໜ້ນແຟ້ນ. ໃນ 11 ເດືອນ ຂອງປີ 2023, ອາຊຽນ ສືບຕໍ່ແມ່ນຄູ່ຮ່ວມມືການຄ້າໃຫຍ່ສຸດຂອງ ຈີນ.