ທ່ານ Kim Kean Hor ລັດຖະມົນຕີກະຊວງຊົນລະປະທານ ແລະ ອຸຕຸນິຍົມ ກຳປູເຈຍ ແລະ ທ່ານ Nguyen Minh Quang ລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ
ພາບ: internet
|
(vovword) - ຫວຽດນາມ ແລະ ກຳປູເຈຍ ພວມຢືນຕໍ່ຫນ້າຄວາມຮັບຜິດຊອບດ້ານປະຫວັດສາດດ້ວຍການຄົງຕົວແບບຍືນຍົງຂອງແມ່ນ້ຳຂອງ” ນັ້ນແມ່ນຄຳຢືນຢັນໂດຍທ່ານ Kim Kean Hor ລັດຖະມົນຕີກະຊວງຊົນລະປະທານ ແລະ ອຸຕຸນິຍົມ ກຳປູເຈຍ ຍົກອອກມາ ໃນຕອນບ່າຍວັນທີ 3/7 ຢູ່ ນະຄອນຫລວງ ພະນົມເປັນ ທີ່ການເຮັດວຽກກັບທ່ານ Nguyen Minh Quang ລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ເຊິ່ງພວມຢ້ຽມຢາມ ກຳປູເຈຍ. ທີ່ການເຮັດວຽກ, ການນຳກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ແລະ ກະຊວງຊົນລະປະທານ ອຸຕຸນິຍົມ ກຳປູເຈຍ ໄດ້ປຶກສາຫາລື ແລະ ຮັບຮອງເອົາບົດບັນທຶກຊ່ວຍຈຳກ່ຽວກັບເລື່ອງສອງປະເທດພ້ອມກັນປະຕິບັດການຄົ້ນຄ້ວາກ່ຽວກັບຜົນກະທົບຈາກການພັດທະນາເຂື່ອນໄຟຟ້າໃນແມ່ນ້ຳຂອງ ແລະ ບັນດາຮູບການພັດທະນາອື່ນຢູ່ຍ່ານເຫນືອຕະຫລອດຮອດເຂດທົ່ງພຽງແມ່ນ້ຳຂອງຂອງ ກຳປູເຈຍ ແລະ ເຂດທົ່ງພຽງແມ່ນ້ຳຂອງ ຫວຽດນາມ. ທ່ານ Nguyen Minh Quang ລັດຖະມົນຕີ ກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ໃຫ້ຮູ້ວ່າ:
“ມື້ນີ້ ພວກຂ້າພະເຈົ້າກໍໄດ້ປຶກສາຫາລືນຳກັນວ່າ ຫວຽດນາມ ແລະ ກຳປູເຈຍ ຈະພ້ອມກັບລາວ ແລະ ໄທ ຄົ້ນຄ້ວາສັງລວມທຸກການກະທົບເຖິງແມ່ນ້ຳຂອງ. ພວກຂ້າພະເຈົ້າກໍໄດ້ປຶກສາຫາລື ແລະ ມີຄຳໝັ້ນສັນຍາວ່າ: ສອງປະເທດຈະພ້ອມກັບລາວ ແລະ ໄທ ຄົ້ນຄ້ວາສັງລວມ ເພື່ອເຮັດແນວໃດໃຫ້ແມ່ນ້ຳຂອງກາຍເປັນແມ່ນ້ຳຮ່ວມສຳພັນປະຫວັດສາດ ເພື່ອຜົນປະໂຫຍດລວມຂອງບັນດາປະເທດລຸ່ມແມ່ນ້ຳຂອງ.”