(vovworld) - ໃນການຢ້ຽມຢາມ ແລະ ເຮັດວຽກຢູ່ອົດສຕາລີ, ວັນທີ 11/12, ທ່ານລັດຖະມົນຕີກະຊວງການເງິນ ເວືອງດິ່ງເຫ້ວ ໄດ້ມີການເຮັດວຽກກັບການນຳສະຫະສະມາຄົມບັນຊີ, ກວດສອບບັນຊີ (CPA) ຂອງອົດສຕາລີ ເພື່ອແນໃສ່ເພີ່ມທະວີການພົວພັນຮ່ວມມືດ້ານບັນຊີ, ກວດສອບບັນຊີລະຫວ່າງຫວຽດນາມ ແລະ ອົດສຕາລີ. ທີ່ການຕ້ອນຮັບ, ສອງຝ່າຍໄດ້ລາຍງານສະພາບການປະຕິບັດບົດບັນທຶກຊ່ວຍຈຳທີ່ໄດ້ຮັບການລົງນາມລະຫວ່າງກະຊວງການເງິນຫວຽດນາມ ແລະ ສະຫະສະມາຄົມບັນຊີ, ກວດສອບບັນຊີ ອົດສຕາລີ 2012. ສະຫະສະມາຄົມບັນຊີ, ກວດສອບບັນຊີອົດສຕາລີ ໄດ້ສະໜີບັນດາບົດຮຽນໃນການດຳເນີນອາຊີບບັນຊີ, ກວດສອບບັນຊີພາກລັດ ແລະ ປຶກສາຫາລືກັບຄະນະຜູ້ແທນຫວຽດນາມ ກ່ຽວກັບບັນດາບັນຫາທີ່ກ່ຽວຂ້ອງ. ພາຍຫຼັງການເຮັດວຽກ, ທ່ານລັດຖະມົນຕີ ເວືອງດ່ິງເຫ້ວ ໄດ້ຕອບສຳພາດຕໍ່ວາລະສານ “In the black” ຂອງສະຫະສະມາຄົມບັນຊີ, ກວດສອບບັນຊີ ກ່ຽວກັບບັນຫາການເງິນ ແລະ ຄວບຄຸມດ້ານການເງິນຂອງຫວຽດນາມ.