ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບີ່ງມີງ
|
(vovworld) – ຫວຽດນາມ ຈະສືບຕໍ່ຢືດໝັ້ນທິດນຳ “ເປັນເພື່ອນມິດກັບທຸກໆປະເທດ”, ຫັນການພົວພັນເປັນຫຼາຍຮູບຫຼາຍແບບ, ຫຼາຍຝ່າຍບົນພື້ນຖານເອກະລາດເປັນເຈົ້າຕົນເອງ, ກຽມພ້ອມປະເຊີນໜ້າກັບທຸກສິ່ງທ້າທາຍໃນປີ 2017 ເພື່ອຊຸກຍູ້ວິວັດການເຊື່ອມໂຍງເຂົ້າກັບສາກົນ. ນີ້ແມ່ນການຢັ້ງຢືນຂອງທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບີ່ງມີງ ເມື່ອຕອບສຳພາດຕໍ່ສື່ມວນຊົນໃນວັນທີ 5/1. ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບີ່ງມີງ ໄດ້ຊີ້ແຈ້ງວ່າ: ປີ 2016, ອາດສາມາດເອີ້ນວ່າແມ່ນໄລຍະທີ່ ຫວຽດນາມ ສິ້ນສຸດການສ້າງການພົວພັນໃນຂອບເຂດຄູ່ຮ່ວມມືຍຸດທະສາດ, ຄູ່ຮ່ວມມືຍຸດທະສາດກັບທຸກໆປະເທດສຳຄັນໃນໂລກ. ປີ 2016, ກໍ່ແມ່ນປີທີ່ ຫວຽດນາມ ສາມາດຜັນຂະຫຍາຍບັນດາຂອບເຂດຄູ່ຮ່ວມມືຮອບດ້ານ ແລະ ຍຸດທະສາດຢ່າງລະອຽດ:
“ບັນດາການນຳປະເທດຕ່າງໆຄື: ປະທານາທິບໍດີ ລັດເຊຍ, ເລຂາທິການໃຫຍ່, ປະທານປະເທດ ຈີນ, ປະທານາທິບໍດີ ອາເມລິກາ, ຝຣັ່ງ, ຍີ່ປຸ່ນ, ສ. ເກົາຫຼີ…ລ້ວນແຕ່ໄດ້ມາຢ້ຽມຢາມ ຫວຽດນາມ ແລະ ການນຳ ຫວຽດນາມ ກໍ່ມີການຢ້ຽມຢາມເຖິງບັນດາປະເທດນັ້ນ. ການຢ້ຽມຢາມຄັ້ງຕ່າງໆໄດ້ເພີ່ມທະວີການພົວພັນຂອງພວກເຮົາກັບບັນດາປະເທດກໍ່ຄືຊ່ວຍຜັນຂະຫຍາຍບັນດາມາດຕະການລະອຽດເພື່ອເພີ່ມທະວີການພົວພັນນັ້ນ. ໃນຂະນະນັ້ນ, ການພົວພັນຂອງ ຫວຽດນາມ ກັບບັນດາປະເທດບ້ານໃກ້ເຮືອນຄຽງມີຄວາມຟົດຟື້ນທີ່ສຸດ. ປີ 2016 ມີການພົວພັນການທູດຫຼາຍຝ່າຍສຳຄັນທີ່ສຸດ”
ປີ 2017, ຫວຽດນາມ ສືບຕໍ່ຜັນຂະຫຍາຍແນວທາງການຕ່າງປະເທດເອກະລາດ ເປັນເຈົ້າຕົນເອງ, ເພື່ອແນໃສ່ສ້າງສະພາບແວດລ້ອມສັນຕິພາບ, ສະຖຽນລະພາບ. ສຳລັບບັນດາການຜັນແປຍາກທີ່ຈະຄາດຄະເນລ່ວງໜ້າໄດ້ຢູ່ໃນພາກພື້ນ ແລະ ຢູ່ໃນໂລກ, ຫວຽດນາມ ຈະມີນະໂຍບາຍຮັບມື, ສະແດງທ່າທີ, ປະຕິບັດນະໂຍບາຍຢ່າງເໝາະສົມ. ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບີ່ງມີງ ກໍ່ໄດ້ຊີ້ແຈ້ງວ່າ:
“ໃນປີ 2017, ຈະມີການປ່ຽນແປງສຳລັບການເລືອກຕັ້ງ, ກອງປະຊຸມໃຫຍ່ພັກຕ່າງໆແຫ່ງຕ່າງໆຢູ່ບັນດາປະເທດ. ທິດນຳຂອງພວກເຮົາ, ຖ້າຫາກພວກເຮົາຍັງຄົງຢືດໝັ້ນແນວທາງ “ເປັນເພື່ອນມິດກັບທຸກໆປະເທດ”, ຫັນການພົວພັນເປັນຫຼາຍຮູບຫຼາຍແບບ, ຫຼາຍຝ່າຍບົນພື້ນຖານເອກະລາດ ເປັນເຈົ້າຕົນເອງຂອງພວກເຮົາ, ບົນພື້ນຖານກົດໝາຍສາກົນ. ຈຸດປະສົງແມ່ນສ້າງຜົນປະໂຫຍດລວມກັບບັນດາປະເທດ, ນັ້ນແມ່ນຮັກສາສັນຕິພາບ, ສະຖຽນລະພາບ, ພິເສດແມ່ນສັນຕິພາບ, ສະຖຽນລະພາບຂອງພວກເຮົາ. ພວກເຮົາຈະສືບຕໍ່ສ້າງການພົວພັນກັບບັນດາປະເທດໃນຂອບເຂດຄູ່ຮ່ວມມືຮອບດ້ານ, ຄູ່ຮ່ວມມືຍຸດທະສາດຢ່າງເລິກເຊິ່ງ, ພິເສດແມ່ນບັນດາປະເທດບ້ານໃກ້ເຮືອນຄຽງ, ບັນດາປະເທດໃຫຍ່ສຳຄັນ.”