(ພາບປະກອບ)
(vovworld) - ໃນວັນທີ 25/11 ທ່ານປະທານປະເທດ ເຈີ່ນດ້າຍກວາງ ນຳໜ້າຄະນະຜູ້ແທນຂັ້ນສູງ ຫວຽດນາມ ເຂົ້າຮ່ວມກອງປະຊຸມຂັ້ນສູງບັນດາປະເທດນຳໃຊ້ພາສາ ຝະລັ່ງ ຄັ້ງທີ 16 ຊຶ່ງໄດ້ຈັດຕັ້ງຢູ່ Antananarivo Madagascar ໃນລະຫວ່າງວັນທີ 26- 27/11/2016. ຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມໃນສະພາບການພົວພັນຮ່ວມມືລະຫວ່າງ ຫວຽດນາມ ແລະ ປະຊາຄົມໃຊ້ພາສາ ຝະລັ່ງ ພວມສືບຕໍ່ໄດ້ຮັບການປັບປຸງ ແລະ ເພີ່ມທະວີ.
ໃນໄລຍະຜ່ານມາ ຫວຽດນາມ ຍາມໃດກໍ່ຕັ້ງໜ້າປະກອບສ່ວນເຂົ້າໃນການປັບປຸງ ແລະ ພັດທະນາປະຊາຄົມໃຊ້ພາສາ ຝະລັ່ງ ຕາມທິດ: ປົກປັກຮັກສາ ແລະ ເພີ່ມທະວີນ້ຳໃຈສາມັກຄີປະຊາຄົມໃຊ້ພາສາ ຝະລັ່ງ - ມູນເຊື້ອອັນລ້ຳຄ່າຂອງປະຊາຄົມ, ຮັບປະກັນບັນດາທິດທາງພັດທະນາພື້ນຖານຂອງປະຊາຄົມໃນຂົງເຂດດ້ານການເມືອງ, ວັດທະນະທຳ ແລະ ເສດຖະກິດຢ່າງກົມກຽວ. ຫວຽດນາມ ມີແຜນນະໂຍບາຍເປັນເຈົ້າການເຂົ້າຮ່ວມຢ່າງຕັ້ງໜ້າ, ມີຄວາມຮັບຜິດຊອບເຂົ້າໃນບັນດາການເຄື່ອນໄຫວຂອງປະຊາຄົມໃຊ້ພາສາ ຝະລັ່ງ.
ເນື່ອງໃນໂອກາດ ທ່ານປະທານປະເທດ ເຈີ່ນດ້າຍກວາງ ເຂົ້າຮ່ວມກອງປະຊຸມຂັ້ນສູງບັນດາປະເທດໃຊ້ພາສາ ຝະລັ່ງ ຄັ້ງທີ 16, VOV ມີບົດຂຽນດ້ວຍຫົວຂໍ້ວ່າ: “ເພີ່ມທະວີການຮ່ວມມືລະຫວ່າງ ຫວຽດນາມ ກັບປະຊາຄົມໃຊ້ພາສາ ຝະລັ່ງ” ເຊີນທ່ານຕິດຕາມຮັບຟັງ.