ຫວຽດນາມຕອບສະໜອງວັນສາກົນປ້ອງກັນ,ຕ້ານພະຍາດຕັບ
ພາບປະກອບ
(vovworld) – ໂດຍຕອບສະໜອງວັນປ້ອງກັນ ແລະ ຕ້ານອັກເສບຕັບໂລກ (28/7), ວັນທີ 28/7, ໂຮງໝໍບັນດາພະຍາດເຂດຮ້ອນນະຄອນ ໂຮ່ຈີມິນ ໄດ້ຈັດຕັ້ງພິທີຊຸມນຸມມິດຕິງເພື່ອແນໃສ່ຍົກສູງຄວາມຮູ້ກ່ຽວກັບພະຍາດອັກເສບຕັບ. ຫວຽດນາມ ແມ່ນໜຶ່ງໃນບັນດາປະເທດມີອັດຕາຕິດພະຍາດຜູ້ອັກເສບຕັບສູງ. ໂດຍອີງໃສ່ຕົວເລກຄົ້ນຄ້ວາຂອງກົມການແພດປ້ອງກັນແລ້ວ, ໃນຈຳນວນປະຊາຊົນ 100.000 ຄົນມີ 11 ຄົນຕິດພະຍາດຕັບ. ຫ້ອງວ່າການອົງການອະນາໄມໂລກ WHO ໃຫ້ຄຳໝັ້ນສັນຍາສືບຕໍ່ສົມທົບກັນຢ່າງແໜ້ນແຟ້ນກັບກະຊວງສາທາລະນະສຸກ, ພະແນກສາທາລະນະສຸກນະຄອນ ແລະ ບັນດາໂຮງໝໍໃຫຍ່ຂອງນະຄອນໃນການໜູນຊ່ວຍເຕັກນິກປ້ອງກັນ, ຕ້ານພະຍາດອັກເສບຕັບ. ດຣ ເລແມ້ງຮູ່ງ, ຮອງຜູ້ອຳນວຍການໂຮງໝໍບັນດາພະຍາດເຂດຮ້ອນນະຄອນ ໂຮ່ຈີມິນ, ໃຫ້ຮູ້ວ່າ:
“ພະຍາດອັກເສບຕັບຍ້ອນ ໄວຣັດເວົ້າລວມບໍ່ມີອາການສະແດງອອກຜິດປົກກະຕິຢູ່ທາງນອກ. ເຂົາເຈົ້າໄດ້ສະຖິຕິວ່າ: ມີຄົນເຈັບປະນາມແຕ່ 75 – 80% ຍັງດຳລົງຊີວິດເປັນປົກກະຕິ. ດັ່ງນັ້ນ, ເພື່ອຄົ້ນພົບຕ້ອງມີການກວດພະຍາດເປັນປະຈຳ. ຖ້າຫາກກວດພົບຢ່າງຊັກຊ້າ, ປະສິດທິຜົນຂອງການປິ່ນປົວຈະຫລຸດລົງ ຊ້ຳບໍ່ໜຳເມື່ອກ້າວເຖິງຂັ້ນເຈັບໜັກ ການປິ່ນປົວຈະບໍ່ມີປະສິດທິຜົນຫຍັງເລີຍ.”