ຫວຽດນາມນຳໜ້າປະຕິບັດສຳເລັດບັນດາຄຳໝັ້ນສັນຍາເສດຖະກິດໃນອາຊຽນ
(ພາບປະກອບ)
(vovworld) - ແຕ່ນີ້ຮອດວັນທີ 31/12/2015, ແມ່ນຈຸດເວລາທີ່ປະຊາຄົມອາຊຽນ ໄດ້ຮັບການສ້າງຕັ້ງ, ບັນດາກະຊວງ, ຂະແໜງການຕ້ອງສົມທົບກັນຢ່າງແໜ້ນແຟ້ນ, ຊຸກຍູ້ການຜັນຂະຫຍາຍບັນດາຄຳໝັ້ນສັນຍາທີ່ຍັງເຫຼືອໃນອາຊຽນ, ສືບຕໍ່ເສີມຂະຫຍາຍທິດນຳຕັ້ງໜ້າ, ເປັນເຈົ້າການ, ປະກອບຂໍ້ລິເລີ່ມຫຼາຍຢ່າງ ເພື່ອຊຸກຍູ້ການຮ່ວມມືໃນອາຊຽນ, ນັບທັງກ່ອນ ແລະ ພາຍຫຼັງການສ້າງຕັ້ງປະຊາຄົນອາຊຽນ. ນັ້ນແມ່ນຈິດໃຈລວມໃນກອງປະຊຸມລະຫວ່າງຂະແໜງຂອງບັນດາອົງການເຂົ້າຮ່ວມການຮ່ວມມືອາຊຽນ ເຊິ່ງຖືກດຳເນີນໄປໃນຕອນເຊົ້າວັນທີ 21/07, ຢູ່ຮ່າໂນ້ຍ, ພາຍໃຕ້ການເປັນປະທານຂອງທ່ານລັດຖະມົນຕີຊ່ວຍວ່າການກະຊວງການຕ່າງປະເທດ ເລຮ່ວາຍຈູງ. ກ່າວຄຳເຫັນທີ່ກອງປະຊຸມ, ທ່ານລັດຖະມົນຕີຊ່ວຍວ່າການກະຊວງການຕ່າງປະເທດ ເລຮ່ວາຍຈູງ ໃຫ້ຮູ້ວ່າ.
“ຫວຽດນາມ ປະຕິບັດບັນດາຂົງເຂດໄດ້ດີພໍສົມຄວນ. ພິເສດແມ່ນໃນຂົງເຂດເສດຖະກິດ, ຫວຽດນາມ ພ້ອມກັບສິງກະໂປ ແມ່ນ 2 ປະເທດນຳໜ້າ. ຜ່ານພຶດຕິກຳຕົວຈິງ, ອາຊຽນ ນັບມື້ນັບມີທີ່ຕັ້ງ, ບົດບາດສຳຄັນ, ບໍ່ພຽງແຕ່ປະຕິບັດນະໂຍບາຍການຕ່າງປະເທດເທົ່ານັ້ນ, ຫາກນັບທັງຊຸກຍູ້ການເຊື່ອມໂຍງ ແລະ ພັດທະນາເສດຖະກິດສັງຄົມຂອງປະເທດອີກດ້ວຍ. ໃນໄລຍະຈະມາເຖິງ, ພວກເຮົາສະເຫຼີມສະຫຼອງ 20 ປີແຫ່ງວັນເຂົ້າເປັນສະມາຊິກອາຊຽນ ແລະ ທັງສ້າງຕັ້ງປະຊາຄົມອາຊຽນ, ເຮັດແນວໃດພວກເຮົາຕ້ອງສົມທົບກັນປະຕິບັດວຽກງານທີ່ຍັງເຫຼືອເປັນຢ່າງດີ, ປະຕິບັດຜັນທະ ຄວາມຜິດຊອບຂອງຕົນໃນການປະຕິບັດສຳເລດຄາດໝາຍປະຊາຄົນອາຊຽນ, ເປັນເຈົ້າການ ແລະ ຕັ້ງໜ້າ.”