ຫວຽດນາມຢືນຢັນຄຳໝັ້ນສັນຍາຮັບປະກັນແລະຊຸກຍູ້ສິດຂອງມະນຸດ
(ທ່ານນາງເອກອັກຄະລັດຖະທູດຫວຽດນາມ ຫງວຽນເຟືອງງາ)
(vovworld) – ວັນທີ 30/10, ຢູ່ນິວຢອກ, ຄະນະກຳມະການບັນດາບັນຫາວັດທະນະທຳ, ສັງຄົມ ແລະ ມະນຸດສະທຳ, ສັງກັດສະມັດຊາໃຫຍ່ສະຫະປະຊາຊາດຊຸດທີ 70 ສືບຕໍ່ປຶກສາຫາລືກ່ຽວກັບຫົວຂໍ້ “ຊຸກຍູ້ ແລະ ຮັບປະກັນສິດຂອງມະນຸດ”. ກ່າວຄຳເຫັນທີ່ກອງປະຊຸມ, ທ່ານນາງເອກອັກຄະລັດຖະທູດຫວຽດນາມ ຫງວຽນເຟືອງງາ, ຫົວໜ້າຄະນະຜູ້ແທນຫວຽດນາມ ປະຈຳສະຫະປະຊາຊາດ, ແນະນຳບັນດານະໂຍບາຍ ແລະ ຜົນງານທີ່ພົ້ນເດັ່ນຂອງຫວຽດນາມ ໃນຂົງເຂດຮັບປະກັນສິດຂອງມະນຸດ ແລະ ເນັ້ນໜັກວ່າ, ຫວຽດນາມ ຖືເປັນສຳຄັນການຮ່ວມມື ແລະ ເຈລະຈາ ແລະ ຢືນຢັນວ່າ, ໃນຖານະເປັນສະມາຊິກທີ່ມີຄວາມຮັບຜິດຊອບຂອງສະພາສິດທິມະນຸດຫວຽດນາມ, ຈະສືບຕໍ່ສົນທົບກັນຢ່າງແໜ້ນແຟ້ນກັບບັນດາປະເທດ, ບັນດາຄູ່ຮ່ວມມືໃນການຊຸກຍູ້ ແລະ ຮັບປະກັນສິດຂອງມະນຸດໃນຂອບເຂດທົ່ວໂລກ.
ທີ່ກອງປະຊຸມ, ບັນດາປະເທດຖືວ່າ, ຄວາມມານະພະຍາຍາມສາກົນ ໄດ້ນຳມາເຊິ່ງໝາກພົນສຳຄັນຫຼາຍຢ່າງ ໃນການຊຸກຍູ້ ແລະ ຮັບປະກັນສິດຂອງມະນຸດ, ແຕ່ຍັງມີຄວາມວິຕົກກັງວົງຢ່າງເລິກເຊິ່ງຕໍ່ສະພາບປະທະກັນ, ການໃຊ້ຄວາມຮຸນແຮງ ແລະ ວິກິດການອົບພະຍົບໃຫຍ່ກວ່າໝູ່ ນັບແຕ່ສົງຄາມໂລກຄັ້ງທີ 2. ບັນດາປະເທດເນັ້ນໜັກວ່າ, ສະຫະປະຊາຊາດ ຕ້ອງສືບຕໍ່ມານະພະຍາຍາມໜູນຊ່ວຍບັນດາປະເທດແກ້ໄຂສິ່ງທ້າທາຍ, ຮັບປະກັນສິດຂອງປະຊາຊົນທຸກຄົນໃຫ້ນັບມື້ນັບດີກ່ວາ.